قارجى مونيتورينگ اگەنتتىگى «نيكولسكيي» بازارىن شەتەلدىكتەرگە ساتىپ جىبەرمەك بولعانداردىڭ ءىسىن اشكەرەلەدى.
ايدوس قوسپايەۆتىڭ ۇيىمداسقان قىلمىستىق توبىنىڭ سوت ۇكىمىمەن تاركىلەنگەن مۇلكىن زاڭسىز ساتۋ فاكتىسى بويىنشا تەرگەۋ جۇرگىزىپ جاتىر، دەپ حابارلايدى aqshamnews.kz 24.kz-كە سىلتەمە جاساپ.
قۇنى 2،2 ملرد تەڭگە بولاتىن مۇلىك پەن جەر ۋچاسكەسىن شەتەلدىك ينۆەستورلارعا ساتۋ ماقساتىندا بوگدە تۇلعالارعا قايتا رەسىمدەگەنى بەلگىلى بولدى. اگەنتتىك الاياقتىق ءۇشىن بۇرىن سوتتالعان ءۇش ادامدى انىقتاپ ۇستادى. سونداي-اق جالعان قۇجاتتار جاساپ، مۇلىكتى يەلىكتەن شىعارۋعا ىقپال ەتكەن سىبايلاس انىقتالدى. تەرگەۋ جالعاسىپ جاتىر.