سوڭعى ايلاردا، جاڭبىرلى ماۋسىم باستالعالى بەرى، نيگەريادا سۋ تاسقىنى سالدارىنان 500-گە جۋىق ادام قازا تاپتى، 1،5 ميلليون ازامات ءۇيىن تاستاپ كەتتى، دەپ حابارلايدى Almaty-akshamy.kz Inform.kz-كە سىلتەمە جاساپ.
45 مىڭنان استام تۇرعىن ءۇي قيرادى، 70 مىڭ گەكتاردان استام اۋىل شارۋاشىلىعى القاپتارى جوعالىپ كەتتى.
بۇكىل ەل بويىنشا جولدار مەن ينفراقۇرىلىمنىڭ زاقىمدانۋىنا بايلانىستى جانارماي جەتىسپەيدى، ابۋدجاداعى جانارماي قۇيۋ بەكەتتەرىندە ۇزىنسونار كەزەك پايدا بولدى. توتەنشە سۋ تاسقىنىنىڭ سالدارى بارلىق ايماقتاردى قامتىدى، حالىققا ازىق-تۇلىك داعدارىسى ءقاۋپى ءتونىپ تۇر.
اۋا رايى بولجامى بويىنشا، قالىڭ جاۋىن قاراشا ايىنىڭ سوڭىنا دەيىن توقتامايدى.
بۇعان دەيىن اۆسترالياداعى سۋ تاسقىنى تۋرالى حابارلانعان بولاتىن. ەلدىڭ وڭتۇستىك-شىعىسىنداعى ۆيكتوريا شتاتىنىڭ مەلبۋرن قالاسىنىڭ ماڭىندا جۇزدەگەن ءۇيدى سۋ باستى.