قازا تاپقاندار تۋرالى دەرەك جوق.
نيگەريا جاعالاۋىندا Trinity Spirit مۇناي وندىرەتىن كەمەدە جارىلىس بولدى، دەپ حابارلايدى Almaty-akshamy.kz Lenta.ru سايتىنا سىلتەمە جاساپ.
جاقىن جەردەن تۇسىرىلگەن ۆيدەودا جالىن مەن قارا ءتۇتىندى كورۋگە بولادى. Trinity Spirit باياۋ تۇردە باتىپ بارا جاتىر، قۇتقارۋعا كەلگەن كەمەلەر مەن قايىقتار ءورتتى وقشاۋلاۋعا تىرىسىپ جاتىر. جازبادا تەڭىزدە كەمەگە جاقىنداماق بولعان ادامداردىڭ ايقايى دا ەستىلدى.
مۇناي ءوندىرۋشى كەمە Shebah Exploration and Production Company Limited (SEPCOL) كومپانياسىنا تيەسىلى. الدىن الا بەرىلگەن مالىمەت بويىنشا، جارىلىسقا اينالعان ءورت دەلتا شتاتىنداعى ەسكراۆوس اۋدانىندا 2 اقپانا باستالعان.
قازىرگى كەزدە ءورتتىڭ شىعۋ سەبەپتەرى انىقتالىپ جاتىر، قازا تاپقاندار مەن زارداپ شەككەندەر تۋرالى اقپارات جوق. سونىمەن بىرگە، ءورت كەزىندە ون ادامنان تۇراتىن ەكيپاج جۇمىس ىستەگەنى انىقتالىپ وتىر. Daily Trust جازعانداي، جارىلىستان كەيىن بۇكىل كوماندا ءىز-تۇزسىز جوعالىپ كەتكەن.