Nickelodeon HD – بالالار مەن جاسوسپىرىمدەرگە ارنالعان بۇكىل الەمگە تانىمال تەلەارنا.
الەمدىك Nickelodeon HD تەلەارنا قازاق تىلىندە كورسەتىلە باستادى، دەپ حابارلايدى قازاقپارات ارنانىڭ سايتىنا سىلتەمە جاساپ.
«Nickelodeon HD – بالالار مەن جاسوسپىرىمدەرگە ارنالعان بۇكىل الەمگە تانىمال تەلەارنانى ەندى قازاق تىلىندە كورە الاسىزدار. كۇللى جەر بەتىنە تانىمال «سپانچ بوب شارشى شالبار»، «قۇتقارۋشى كۇشىكتەر»، «ءقاۋىپتى گەنري»، «تىنىمسىز بالاقايلار»، «سەم مەن كەت» جانە باسقا دا ەڭ تانىمال انيماسيالىق سەريالداردى تاماشالاڭىزدار»،- دەلىنگەن حابارلامادا.
بۇعان دەيىن Tiji، Nickelodeon ارنالارىنىڭ بالالار كونتەنتى قازاق تىلىندە جارىق كورەتىندىگى تۋرالى حابارلاعان بولاتىنبىز.