الەۋمەتتىك جەلىلەر مەن مەسسەندجەرلەردە 15-نە دەيىن ءوتىنىش بەرگەن قازاقستاندىقتاردىڭ بارلىق بانكتىك قارىزدارى تولىق وتەلەتىنى تۋرالى حابارلاما تاراتىلۋدا. بۇل جالعان، دەپ حابارلايدى اlmaty-akshamy.kz stopfake.kz سايتىنا سىلتەمە جاساپ.
قازاقستان رەسپۋبليكاسىنىڭ قارجى نارىعىن رەتتەۋ جانە دامىتۋ اگەنتتىگى مەن قازاقستان ۇلتتىق بانكى نەسيەلىك راقىمشىلىق جاساۋ تۋرالى اقپاراتتى جوققا شىعاردى.
– الەۋمەتتىك جەلىلەر مەن مەسسەندجەرلەر ارقىلى تاراتىلىپ جاتقان نەسيەلەردى وتەۋ تۋرالى فەيك جاڭالىقتار شىندىققا جاناسپايتىنىن رەسمي تۇردە مالىمدەيمىز. قازاقستان رەسپۋبليكاسى قارجى نارىعىن رەتتەۋ جانە دامىتۋ اگەنتتىگى مەن قازاقستان ۇلتتىق بانكى ازاماتتار مەن باق-تان تەك رەسمي اقپارات كوزدەرىنە عانا سەنۋدى سۇرايدى، – دەلىنگەن ۆەدومستۆولاردىڭ بىرلەسكەن حابارلاماسىندا.
ەستەرىڭىزگە سالا كەتەيىك، بىلتىر جەلتوقسان ايىندا قازنەتتە نەسيەلەردى وتەۋ تۋرالى وسىنداي اقپارات كەڭىنەن تاراعان بولاتىن.