«قازاقستان تەمىر جولى» ۇلتتىق كومپانياسى» اق بازاسىندا ەنەرگەتيكا سالاسىنىڭ جۇيە قۇراۋشى كاسىپورىندارىمەن ءوزارا ءىس-قيمىل شتابى جۇمىس ىستەپ تۇر. بۇل تۋرالى اكسيونەرلىك قوعامنىڭ باسپا ءسوز قىزمەتى حابارلادى، دەپ حابارلايدى اlmaty-akshamy.kz قازاقپارات تىلشىسىنە سىلتەمە جاساپ.
«قازاقستان تەمىر جولى» ۇلتتىق كومپانياسى» اق بازاسىندا ەنەرگەتيكا سالاسىنىڭ جۇيە قۇراۋشى ونەركاسىپ كاسىپورىندارىمەن (جەو، گرەس، كومىر جانە كەن رازرەزدەرى) ءوزارا ءىس-قيمىل بويىنشا شتاب جۇمىس ىستەپ تۇر. قازىرگى ۋاقىتتا جىلجىمالى قۇرام ۇزدىكسىز سيكل وندىرىستەرىن شتاتتىق رەجيمدە قامتاماسىز ەتىپ وتىر. وتىن-ەنەرگەتيكا كەشەنى نىساندارىنا مۇناي ونىمدەرىن جونەلتۋ جوسپار بويىنشا جۇرگىزىلۋدە»، - دەلىنگەن ۇلتتىق كومپانيانىڭ مالىمەتىندە.
«قتج» اقپاراتى بويىنشا، شتاب وندىرىستىك كومپانيالارمەن تۇراقتى بايلانىستا جۇمىس ىستەپ تۇر. «جىلجىمالى قۇراممەن قامتاماسىز ەتۋ جانە جۇكتەردى جەتكىزۋ ماسەلەلەرى جەدەل تارتىپتە شەشىلىپ جاتىر»، - دەپ جازادى «قازاقستان تەمىر جولى» ۇك» اق باسپا ءسوز قىزمەتى.
بۇعان دەيىن تەمىرجول قىزمەتكەرلەرى بۇلىك كەزىندە زارداپ شەككەندەر ءۇشىن قان تاپسىرىپ جاتقانى تۋرالى جازعانبىز. https://www.inform.kz/kz/temirzhol-kyzmetkerleri-bulik-kezinde-zardap-shekkender-ushin-kan-tapsyruda_a3882739
ق ر دەنساۋلىق ساقتاۋ مينيسترلىگى توتەنشە جاعداي رەجيمى كەزەڭىندە مەديسينالىق كومەك كورسەتۋ جانە مىندەتتى الەۋمەتتىك مەديسينالىق ساقتاندىرۋ ماسەلەلەرى بويىنشا حالىققا كەڭەس بەرەتىن 1406 بايلانىس ورتالىعىنىڭ قوسىمشا نومەرلەرىن ىسكە قوستى: 8-7172-67-41-33، 8-7172-67-41-34، 8-7172-67-40-92.