كۇزگى كەزەڭدە اعاش وتىرعىزۋعا قاتىستى توپ-5 سۇراق
نەلىكتەن بىلتىر كوشەتتەر توپىراعىمەن جاتتى؟ بۇعان بيۋدجەت قارجىسى جۇمسالدى عوي، ولاردى بىردەن وتىرعىزۋعا مۇمكىندىك بولمادى ما؟
تەحنولوگياعا سايكەس، كوشەتتەردى وتىرعىزۋعا ارنالعان شۇڭقىرلار وتىرعىزۋعا دەيىن 5-10 كۇن بۇرىن جەلدەتىلۋى كەرەك. مەردىگەرلەرگە قاتىستى بۇزۋشىلىقتار انىقتالعان جاعدايدا ايىپپۇلدار مەن ورنىنا اعاش ەگۋدى مىندەتتەۋ تۇرىندە شارالار قابىلدانادى.
نەلىكتەن كوشەتتەر سۋىق مەزگىلدە وتىرعىزىلادى؟
كوشەتتەردى ءتالىمباقتان قالالىق ورتاعا كوشىرۋ جاسىل جەلەكتەردىڭ شىرىن قوزعالىسى توقتاعان سوڭ جۇرگىزىلۋگە ءتيىس. بۇل بيولوگيالىق كەزەڭ سۋىق مەزگىلگە تۋرا كەلەدى.
نەلىكتەن كوگالداندىرۋشىلار جىل سايىن سول ءبىر اعاش تۇرلەرىن تاڭدايدى؟
باس بوتانيكالىق ب ا ق پەن اگرارلىق عىلىمي ۋنيۆەرسيتەت ماماندارىنىڭ ۇسىنىسى بويىنشا كوشەلەر بويىنا نەگىزىنەن ەمەن، ۇيەڭكى، شەگىرشىن، شاعان، تەرەك، ال ساياباقتار مەن الاڭداردا - ءساناعاش، قايىڭ، اكاسيا، شىرشا جانە جەمىس (الما، شيە، المۇرت، ورىك) اعاشتارى وتىرعىزىلادى. اعاشتىڭ بۇل تۇرلەرى تىعىز جانە جانە سايالى اعاشقا اينالىپ، لاستانعان اۋا اعىنىن جاقسى ۇستايدى.
نەلىكتەن قالادا اعاشتار قۋراپ جاتىر؟ اكىمدىك ماسەلەنى قالاي شەشپەك؟
بيىل جاسىل قوردى جاقسىلاپ سۋارۋ ءۇشىن سۋ جيناعىش قۇرىلىسىن سالۋ جانە رەكونسترۋكسيالاۋ باستالدى. ءقازىر نىساندارداعى جۇمىس 80%-عا اياقتالدى، حالىق ارەنا، قالقامان سكۆەرىندە، جەلتوقسان ساياباعىندا، شااج، تيميريازيەۆ جانە ۋسيكوۆ كوشەلەرىندە سۋ بەرۋ قامتاماسىز ەتىلدى. ءارى قالادا ارىق جەلىسى كەڭەيىپ، جاسىل جەلەكتەردى اۆتوماتتى سۋارۋ جانە تامشىلاتىپ سۋارۋ جۇيەسى ەنگىزىلىپ جاتىر.
قالا تۇرعىندارى تلي مەن شىبىن-شىركەيدىڭ كوبەيۋىنە شاعىمداندى. الماتىدا زيانكەستەرمەن كۇرەسۋ ءۇشىن قانداي شارالار قابىلدانىپ جاتىر؟
ەكولوگيا جانە قورشاعان ورتا باسقارماسى اعاشتاردىڭ تۇراقتى جاعدايىن جاقسارتۋ، ساقتاۋ جانە ولاردىڭ ءارتۇرلى زياندى ورگانيزمدەرگە توزىمدىلىگىن ارتتىرۋ ءۇشىن بيىل شىلدەدە جاسىل جەلەكتەردى بيولوگيالىق وڭدەۋدىڭ ءۇشىنشى كەزەڭىن وتكىزدى. جاپىراق جەيتىن، سوراتىن زيانكەستەر مەن زەڭ اۋرۋلارى قوزدىرعىشتارىنا قارسى 2،3 ميلليوننان استام اعاش وڭدەلەدى دەپ جوسپارلانعان.
زيانكەستەر مەن اۋرۋلاردىڭ بيولوگيالىق ەرەكشەلىگىن ەسكەرىپ، وڭدەۋ تۇندە جانە تاڭەرتەڭ جۇرگىزىلەدى. مونوفاگ زيانكەستەرىنە مەيلىنشە اسەر ەتۋ ءۇشىن بيىل ءبىرىنشى كەزەڭدە (ۆەگەتاسيالىق كەزەڭنىڭ باسىندا) ەمەن ءتورت رەت جانە تەرەك ەكى رەت وڭدەلگەن. ايتا كەتەيىك، بۇرىن وسىمدىكتەردى بيولوگيالىق قورعاۋ ۆەگەتاسيالىق كەزەڭنىڭ باسىندا تەك ءبىر رەت جۇرگىزىلدى، ءبىراق مۇنداي وڭدەۋ جيىلىگى مونوفاگ زيانكەستەرى ءۇشىن جەتكىلىكسىز ەكەنىن كورسەتتى.
بيىل بارلىعى 4 كەزەڭدىك بيولوگيالىق وڭدەۋ جۇرگىزۋ جوسپارلانعان، ءقازىر 3 كەزەڭى ءبىتتى. سوڭعى بيولوگيالىق وڭدەۋ 20 تامىزدا باستالدى، ەندى 20 قىركۇيەكتە اياقتالادى.