1 قىركۇيەكتەن باستاپ ەلىمىزدە زاڭدى نەكەدە تۇرعان ازاماتتارعا اقشالاي نەسيە بەرۋدىڭ جاڭا ەرەجەلەرى كۇشىنە ەندى.
قاۋلىعا سايكەس جۇبايىنىڭ قارىز نەمەسە ميكروكرەديت بەرۋگە كەلىسىمىن الۋ قاعيدالارى بەكىتىلدى، دەپ حابارلايدى aqshamnews.kz.
ياعني، نەسيە شارتىنا قول قويماس بۇرىن بانك كليەنتتىڭ نەكەسى تىركەلگەندىگى تۋرالى اقپاراتتى الدىن الا تەكسەرەدى. مالىمەت راستالىپ، نەسيە سوماسى بەلگىلەنگەن شەكتەن اسىپ كەتسە، كرەديتور جۇبايىنىڭ كەلىسىمىن الۋعا مىندەتتى. مۇنداي قارىزدىڭ ەڭ تومەنگى مولشەرى 1000 اەك، ياعني، 3 ملن 692 مىڭ تەڭگەنى قۇرايدى. ال جۇبايىنىڭ كەلىسىمىنسىز بەرىلگەن قارىزدى كرەديت بەرۋشى ەسەپتەن شىعارۋعا مىندەتتى.