الماتىداعى وراز جاندوسوۆ اتىنداعى №105 گيمنازياعا گيننەستىڭ رەكوردتار كىتابىنا ەنگەن «الەم بەينەسى» كارتيناسىنىڭ كوشىرمەسى تابىستالدى.
ول – World Painting حالىقارالىق الەۋمەتتىك ارت-جوباسىنا قاتىسۋشىلاردىڭ تۋىندىسى. تۋىندىنىڭ كوشىرمەسىن ۇسىنعان اۆتورلار – داۋت شايحيسلاموۆ پەن دانا ورمانبايەۆا، دەپ حابارلايدى aqshamnews.kz 24.kz-كە سىلتەمە جاساپ.
جارتى عاسىر بۇرىن اشىلعان مەكتەپتە ءقازىر 2600 وقۋشى بار. 1996 جىلى گيمنازيا يۋنەسكو-نىڭ قاۋىمداستىرىلعان مەكتەبى مارتەبەسىن الدى. ءبىلىم وشاعى وقۋشىلاردى حالىقارالىق ءبىلىم بەرۋ كەڭىستىگىنە ينتەگراسيالاۋدى ماقسات تۇتادى.
ءاليا ساندىقبايەۆا، №105 مەكتەپ-گيمنازيا ديرەكتورى:
- بۇل سۋرەت الەمدى شارلادى. كارتينا بەيبىتشىلىك، ىنتاماق پەن بىرلىك ساقتالسىن دەپ سالىنعان. قوعامدى ىزگىلەندىرۋ، حالىقتار ارىسىنداعى مادەني ءارى رۋحاني قارىم-قاتىناستى نىعايتۋ يدەياسى يۋنەسكو نەگىزگى دامۋ باعدارلاماسىنا جاتادى. وسى تۇسىنىكتى وقۋشىلاردىڭ ساناسىنا ءسىڭىرىپ، تالىم-تاربيە بەرۋگە تىرىسامىز.