– جولداۋ ءبىز ءۇشىن وتە ءمان-ماعىناسى اۋقىمدى شارا بولىپ تۇر. ءبىزدىڭ ساياساتتانۋ سالاسىندا جۇرگەن عالىمداردىڭ وي-پىكىرى ەرەكشە ورىن الادى دەپ سانايمىز. نەگىزگى ۇستانىم – ساياسي مودەرنيزاسيا. بۇل دەگەنىمىز جاڭا بەلەسكە كوتەرىلۋ دەگەندى بىلدىرەدى. سونىمەن قوسا «ساياسي ترانزيتكە» بايلانىستى سۇراقتار دا وزەكتىلىگىن تانىتۋدا. مۇنى قوعام تاراپىنان كوتەرىپ جاتقاندار بار. جالپى قازاقستاننىڭ بولاشاعىنىڭ قامى بارىنەن بيىك تۇرۋى كەرەك. سوندا عانا وركەندەۋ جولىنا قادام باسامىز.
ەڭ باستىسى مەملەكەتىمىزدىڭ دامۋى مەن ءال-اۋحاتىنىڭ ارتۋى بارىنەن ماڭىزدى. ونىڭ سىرتىندا ساياسي ءھام ەكونوميكالىق ساۋاتتىلىققا دا دەن قويعان ابزال. ءبىزدىڭ ينستيتۋتتا ساراپشىلار، ساياسي كوزقاراسى اشىق ازاماتتار، عالىمدار باس قوسىپ، ەلىمىزدە ءوتىپ جاتقان ساياي ءارى الەۋمەتتىك جۇيەلەردى تالقىلاپ وتىرادى. ءوزىمىز دە ءۇن قوسىپ، جاڭا باعىتتار ايقىنداۋعا مۇددەلىمىز. جوعارىدان كوتەرىلگەن باستامالارعا تەك قانا قولداۋ ءبىلدىرىپ قانا قويماي، ءوز ويىمىزدى ورتاعا سالعان ءجون دەپ بىلەمىز. پرەزيدەنتتىك سايلاۋ ناقتى نارسە. دەگەنمەن كەيبىر جاعدايدا قاراما-قايشىلىق تۇستارى دا ۇشىراسادى. ونى جان-جاقتى، تياناقتى، ەگجەي-تەگجەي زەرتتەگەنىمىز ءجون. سەبەبى ەل مەن جەر بارشامىزعا ورتاق قۇندىلىق.
ءبىز ءۇشىن قازاق ەلىنىڭ ابىرويى مەن بيىك بەلەستەردى باعىندىرۋىنان ارتىق ەشقانداي باقىت جوق. سوندىقتان وسى جولدا ءاربىرىمىز وي-پىكىرىمىزدى ايتىپ، دامۋعا، وركەندەپ-وسۋگە بايلانىستى ۇسىنىستاردى ءبىلدىرىپ جۇرگەنىمىز ابزال.