ۇكىمەت وتىرىسىندا پرەمەر-مينيستر ءاليحان سمايىلوۆ ق ر اقپارات جانە قوعامدىق دامۋ مينيسترلىگىنىڭ جاڭا باسشىسى دارحان ءقىدىرالىنى تانىستىرىپ، بۇعان دەيىن وسى قىزمەتتى اتقارعان اسقار ۋماروۆقا العىس ءبىلدىردى، دەپ حابارلايدى Almaty-akshamy.kz Inform.kz-كە سىلتەمە جاساپ.
«قازاقستان رەسپۋبليكاسىنىڭ حالقى مەن پرەزيدەنتى الدىندا ءوز وتانى - قازاقستان رەسپۋبليكاسىنىڭ ەكونوميكالىق جانە رۋحاني دامۋ ىسىنە بارلىق كۇش-جىگەرىم مەن ءبىلىمىمدى جۇمساۋعا، مەملەكەتتىڭ كونستيتۋسياسى مەن زاڭدارىن قاتاڭ ساقتاۋعا، ءوزىمنىڭ ءىس ارەكەتىمدە زاڭدىلىق پەن ادىلەتتىلىك، ازاماتتىق، ۇلتارالىق جانە كونفەسسياارالىق تاتۋلىق پرينسيپتەرىن ۇستانۋعا، قازاقستان حالقىنا ادال قىزمەت ەتۋگە، ءوز ەلىمنىڭ مەملەكەتتىلىگى مەن دۇنيەجۇزىلىك قوعامداستىقتاعى بەدەلىن نىعايتا بەرۋگە انت ەتەمىن»، - دەدى جاڭا ءمينيسترى دارحان ءقىدىرالى.