2025 جىلدىڭ 16 مامىرىندا باستالعان نەگىزگى ۇبت باستالعاننان بەرى 164 مىڭنان استام تەستىلەۋ وتكىزىلدى. تالاپكەرلەردىڭ 74%-ى تەستىلەۋدى قازاق تىلىندە، 26%-ى ورىس تىلىندە جانە 136 ادام اعىلشىن تىلىندە تاپسىردى.
ءۇشىنشى اپتانىڭ قورىتىندىسى بويىنشا تالاپكەرلەردىڭ 69%-ى شەكتى بالل جينادى. بەس ءپان بويىنشا ورتاشا بالل 65ء-تى قۇرادى. ەڭ جوعارى ناتيجە – 140 بالل – تۇركىستان وبلىسىنان ءابىلحان جانىبەك ءبىرىنشى اپتادا كورسەتتى، دەپ حابارلايدى aqshamnews.kz.
وقۋ-اعارتۋ مينيسترلىگىنىڭ مالىمەتىنشە، قازىرگى تاڭدا تەستكە قاتىسۋشىلاردىڭ باسىم بولىگى، اتاپ ايتقاندا، 18%-ى «ماتەماتيكا-فيزيكا»، 15%-ى «بيولوگيا-حيميا» پاندەر كومبيناسياسىن تاپسىردى. 14%-ى «شىعارماشىلىق ەمتيحان» كومبيناسياسىن تاڭداعان.
ەرەكشە ءبىلىم بەرۋ قاجەتتىلىكتەرى بار وقۋعا تۇسۋشىلەر ءۇشىن قولايلى جاعداي جاساۋدىڭ ارقاسىندا ۇبت-عا 477 تالاپكەر قاتىسقانىن ايتا كەتكەن ءجون.
تالاپكەرلەردىڭ تەست تاپسىرمالارىنىڭ مازمۇنى بويىنشا تەستىلەۋ اياقتالعاننان كەيىن 30 مينۋت ىشىندە اپەللياسياعا بەرۋ قۇقىعى بار. تەحنيكالىق سەبەپتەر بويىنشا اپەللياسيا تىكەلەي تەستىلەۋ كەزىندە قابىلدانادى. ناتيجەلەرى بار سەرتيفيكاتتار اپەللياسيا قاراستىرىلعاننان كەيىن جەكە كابينەتتەردە قولجەتىمدى بولادى.
ۇبت-نى وتكىزۋدىڭ ءۇش اپتاسىندا 206 ەرەجە بۇزۋشىلىق انىقتالدى. 98 تالاپكەر سمارتفونداردى، شپارگالكالاردى جانە باسقا دا تىيىم سالىنعان زاتتاردى الىپ كىرمەك بولعانى ءۇشىن تەستىلەۋدەن شەتتەتىلدى. تاعى 108 ادام تەستىلەۋ كەزىندە ەرەجەلەردى بۇزعانى ءۇشىن اۋديتوريادان شىعارىلدى، ولاردىڭ ناتيجەلەرى جويىلدى. وزگە ادامداردىڭ ورنىنا كىرۋ فاكتىلەرى انىقتالعان جوق..
2025 جىلعى ۇبت اياقتالعاننان كەيىن كۇنتىزبەلىك جىلدىڭ 31 قازانىنا دەيىن بەينەجازبالارعا تالداۋ جۇرگىزىلەدى. تىيىم سالىنعان زاتتاردى پايدالانۋ نەمەسە ەرەجەلەردى بۇزۋ فاكتىلەرى انىقتالعان جاعدايدا ۇبت ناتيجەلەرى جويىلادى.
ەستەرىڭىزگە سالا كەتسەك، تەستىلەۋگە قاتىسۋعا 216 مىڭ تالاپكەردەن 399 مىڭعا جۋىق ءوتىنىش كەلىپ ءتۇستى.