ەنەرگەتيكا ۆيسە-مينيسترى ەرلان اقكەنجەنوۆ جانارماي بەكەتتەرىندە اي-95 بەنزينى نەگە تاپشى ەكەنىن ءتۇسىندىردى، دەپ حابارلادى Almaty-akshamy.kz. BAQ.KZ-كە سىلتەمە جاساپ.
شىمكەنت مۇناي وڭدەۋ زاۋىتىندا بولعان سوڭعى جاعدايدى بىلەسىزدەر. بۇگىنگى تاڭدا وندا تەك اي-92 شىعارىلىپ جاتىر. ءبىز قازاندا اي-95-كە جاعداي تۇراقتالادى دەپ وتىرمىز. مۇنىڭ سەبەبى شىمكەنتتەگى زاۋىتتا جۇرگىزىلىپ جاتقان جوندەۋ جۇمىستارىنا بايلانىستى. ءقازىر ەلدىڭ وڭتۇستىك وڭىرلەرىن اتىراۋ جانە پاۆلودار مۇناي وڭدەۋ زاۋىتتارىنىڭ مۇناي ونىمدەرى قامتاماسىز ەتىپ وتىر، - دەدى ۆەدومستۆو وكىلى.
ۆيسە-مينيستردىڭ اتاپ وتۋىنشە، ەلىمىزدىڭ جەر كولەمىنىڭ كەڭدىگىنە بايلانىستى قازاقستاننىڭ باتىسىنان وڭتۇستىگىنە (بەنزين) ءونىم جەتكىزۋ ءبىراز ۋاقىت الادى.
وسى اي ەلىمىزدە، اسىرەسە دەمالىس كۇندەرى اي -95-كە سۇرانىس ارتقانى بايقالادى. سونداي-اق اقكەنجەنوۆ تاپشىلىققا تاعى ءبىر سەبەپ - دەمالىس كۇندەرى مۇناي بازالارىنىڭ جۇمىس ىستەۋىندە جاتىر.
سونىمەن قاتار ەرلان اقكەنجەنوۆ اي-95 بەنزينىنىڭ ءبىر بولىگى رەسەيدەن جەتكىزىلەتىنىن اتاپ ءوتتى.
بيىل قازاقستان اي-95 بەنزينىنىڭ 40 مىڭ تونناسىن يمپورتتاۋدى قاراستىردى. بۇگىندە ءتيىستى كەلىسىمشارت جاسالدى. يمپورت تامىزدا بولادى. ءبىرىنشى يمپورت – 19 مىڭ توننا (اي-95). ول بىرنەشە اي بولادى. شىمكەنت ءموز تولىق قۋاتىنا كوشكەندە اي-95 بەنزيننىن ءوندىرۋدى باستايمىز، - دەدى ۆيسە-مينيستر.