ق ر قۇرمەتتى كونسۋلى لاۋازىمىنا يتالياندىق «SCN» كومپانياسىنىڭ باسشىسى ۆالەنتينا ماسسا تاعايىندالدى
نەاپول قالاسىندا قازاقستان رەسپۋبليكاسىنىڭ قۇرمەتتى كونسۋلدىعى اشىلدى، دەپ حابارلايدى Almaty-akshamy.kz ءسىم باسپا ءسوز قىزمەتىنە سىلتەمە جاساپ.
ق ر قۇرمەتتى كونسۋلى لاۋازىمىنا يتالياندىق «SCN» كومپانياسىنىڭ باسشىسى ۆالەنتينا ماسسا تاعايىندالدى. سالتاناتتى اشىلۋ ءراسىمى قازاقستان رەسپۋبليكاسىنىڭ يتاليا رەسپۋبليكاسىنداعى ەلشىسى ەربولات سەمبايەۆتىڭ قاتىسۋىمەن ءوتتى.
ەلشى ءوز سوزىندە قازاقستان مەن يتاليا اراسىنداعى ديپلوماتيالىق قارىم-قاتىناستاردىڭ ورناعانىنا 30 جىل تولۋ قارساڭىندا اتالعان ءىس-شارانى وتكىزۋدىڭ سيمۆولدىق ءمانى بار ەكەنىن ايتتى. سونىمەن قوسا ول قۇرمەتتى كونسۋلدىقتىڭ اشىلۋى ەكى ەلدىڭ ەكىجاقتى كۇن ءتارتىبىن، سونىڭ ىشىندە ساۋدا، ينۆەستيسيالىق جانە گۋمانيتارلىق باعىتتاردى كەڭەيتۋ جونىندەگى ساياسي ەرىك-جىگەرىنىڭ كورسەتكىشى بولىپ تابىلاتىنىن اتاپ ءوتتى.
قازاقستاندىق ديپلومات ميلليوننان استام حالقى بار، سونىمەن بىرگە دامىعان تۋريستىك جانە كولىك-لوگيستيكالىق ينفراقۇرىلىمىمەن تانىمال يتاليانىڭ ءۇشىنشى ءىرى قالاسى بولىپ تابىلاتىن نەاپولدەگى قۇرمەتتى كونسۋلدىقتىڭ اشىلۋى قازاقستان مەن يتاليا اراسىنداعى ىنتىماقتاستىقتى دامىتۋعا ىقپال ەتەتىنىنە سەنىم ءبىلدىردى.
ءوز كەزەگىندە ۆ.ماسسا قازاقستان ۇكىمەتىنە سەنىم بىلدىرگەنى ءۇشىن العىس ايتىپ، ەكى ەل اراسىنداعى ءوزارا ىس-ارەكەتتىڭ الەۋەتتى باعىتتارىن بەلگىلەدى. ءسوز سويلەۋ بارىسىندا ول يتالياندىق كاسىپكەرلەردى قازاقستاندىق ارىپتەستەرمەن ىسكەرلىك بايلانىستار ورناتۋ جانە بىرلەسكەن جوبالاردى ىسكە اسىرۋ ءۇشىن قۇرمەتتى كونسۋلدىقتىڭ مۇمكىندىكتەرىن پايدالانۋعا شاقىردى.
كەڭسەنىڭ نەگىزگى فۋنكسياسى ەلىمىزدىڭ كامپانيا وڭىرىمەن ەكونوميكالىق، مادەني-گۋمانيتارلىق بايلانىستاردى جولعا قويۋ، سونىمەن قوسا ق ر ازاماتتارىنىڭ قۇقىقتارىن قورعاۋعا جاردەمدەسۋ بولىپ تابىلادى.
ءىس-شاراعا قالا باسشىلىعى، جەرگىلىكتى ب ا ق جانە بيزنەس وكىلدەرى قاتىستى. راسىمگە قاتىسۋشىلارعا قازاقستاننىڭ سىرتقى ساياسي جانە ەكونوميكالىق جەتىستىكتەرى، ەلدەگى ساياسي رەفورمالار جانە ينۆەستيسيالىق احۋالدىڭ تارتىمدىلىعى تۋرالى باياندايتىن اقپاراتتىق ماتەريالدار تابىس ەتىلدى.