الماتى حورەوگرافيالىق ۋچيليششەسىندە حورەوگرافيالىق وقۋ ورىندارىنىڭ VIII «ورلەۋ» حالىقارالىق بايقاۋى وتەدى.
ا. سەلەزنيەۆ اتىنداعى الماتى حورەوگرافيالىق ۋچيليششەسىندە 2023 جىلدىڭ 4-10 ءساۋىرى ارالىعىندا حورەوگرافيالىق وقۋ ورىندارىنىڭ VIII «ورلەۋ» حالىقارالىق بايقاۋى وتەدى.
بايقاۋ ا. سەلەزنيەۆا اتىنداعى احۋ-دىڭ وقۋ تەاترىندا، ال فينالدىق تۋرلارى Almaty Theatre ساحناسىندا كورەرمەندەردىڭ قاتىسۋىمەن وتەدى، دەپ حابارلايدى Almaty-akshamy.kz.
بايقاۋ الەمنىڭ جەتەكشى بالەت مەكتەپتەرى اراسىنداعى حالىقارالىق ىنتىماقتاستىقتى دامىتۋ جانە نىعايتۋ ماقساتىندا 2008 جىلى قۇرىلعان. سودان بەرى بايقاۋدىڭ نەگىزگى ماقساتى حورەوگرافيالىق وقۋ ورىندارى اراسىندا كەڭىنەن تاجىريبە الماسۋدى جۇزەگە اسىرۋ، حورەوگرافيالىق ونەر سالاسىنداعى جاس دارىنداردى انىقتاۋ، ورىنداۋشىلىق شەبەرلىكتەرىن ارتتىرۋ، كلاسسيكالىق، حالىقتىق جانە زاماناۋي بيلەردىڭ وزىق داستۇرلەرىن دامىتۋ، سونداي-اق قازاقستان حورەوگرافيالىق ءبىلىمى مەن ونەرىنىڭ الەمدىك ارەناداعى ءيميدجىن ىلگەرىلەتۋ جانە باسەكەگە قابىلەتتىلىگىن ارتتىرۋ بولىپ تابىلادى.
بيىل بايقاۋعا قىرعىزستان، وزبەكستان، رەسەي، وڭتۇستىك كورەيا جانە ت. ب. ەلدەردەن قاتىسۋشىلار كەلەدى.
«ورلەۋ» حالىقارالىق بايقاۋىنىڭ VIII ماۋسىمى قازاقتىڭ تۇڭعىش كاسىبي بالەريناسى، قازاق كسر حالىق ءارتىسى سارا ىدىرىس قىزى كوشەربايەۆانىڭ 90 جىلدىعىنا ارنالادى.
وتەتىن جەرى: گالا-كونسەرت Almaty Theatre-دا
ۋاقىتى: 9 ساۋىردە، ساعات 19:00-دە.