اللەرگيالىق رينيت - بۇل اللەرگيادان تۋىنداعان مۇرىن شىرىشتى قابىعىنىڭ ينفەكسيالىق ەمەس قابىنۋى. ياعني، يممۋندىق جۇيە توزاڭمەن، ءۇي شاڭىمەن، جانۋاردىڭ شاشىمەن بەلسەندى كۇرەسە باستايدى، ناتيجەسىندە ءىسىنۋ، مۇرىننان سۋ اعۋ، تۇشكىرۋ جانە قىشۋ پايدا بولادى. دارىگەرلەر مۇنىمەن كۇرەسۋدىڭ جولىن ايتتى، - دەپ حابارلايدى اqshamnews.kz ءتىلشىسى.
ءرينيتتىڭ ەڭ كوپ تارالعان "ارانداتۋشىلارى": وسىمدىك توزاڭى، ءۇي شاڭى، جانۋارلاردىڭ ءجۇنى، زەڭ مەن ساڭىراۋقۇلاقتار، پارفيۋمەريا، تۇرمىستىق حيميا. تۇقىم قۋالاۋشىلىق تا ۇلكەن ءرول اتقارادى.
"ەگەر مۇرىننان سۋ اعا بەرسە، ءبىراق تەمپەراتۋرا بولماسا، تاماق اۋىرماي، جاعدايى قالىپتى بولسا، بۇل اللەرگيا بولۋى مۇمكىن. سۋىق تيگەن كەزدە ءسىز از تۇشكىرەسىز. ەگەر مۇرىن، كوز، ءتىپتى قۇلاق قىشىسا، بۇل اللەرگيانىڭ ادەتتەگى بەلگىسى. ەگەر كوكتەم سايىن نەمەسە كۇزدە مۇرىننان سۋ اعا باستاسا، بۇل - اللەرگيا. سۋىق تيگەندە ادەتتە 5-7 كۇندە كەتەدى، اللەرگيا بىرنەشە ايعا سوزىلۋى مۇمكىن"، - دەيدى كارديولوگيا جانە ىشكى اۋرۋلار عزي رەسپۋبليكالىق اللەرگولوگيا ورتالىعىنىڭ باسشىسى، اللەرگولوگ-يممۋنولوگ دارىگەر اراي باتىربايەۆا.
ەمدەلمەگەن اللەرگيالىق رينيت سوزىلمالى سينۋسيتكە اكەلۋى مۇمكىن، ۇيقىنىڭ بۇزىلۋى جانە شارشاۋ، كونسەنتراسيا مەن ءومىر ساپاسىنىڭ تومەندەۋى، برونح دەمىكپەسى پايدا بولادى. بۇل اسىرەسە بالالار ءۇشىن ءقاۋىپتى: ناشار ۇيقى، تۇندە تىنىس الۋ پروبلەمالارى، اشۋلانشاقتىق، مەكتەپتەگى ۇلگەرىمنىڭ تومەندەۋى.
نە نارسەگە اللەرگياڭىز بار ەكەنىن قالاي تۇسىنۋگە بولادى؟
ءبىرىنشى قادام -اللەرگولوگ نەمەسە وتورينولارينگولوگقا بارۋ كەرەك. ءارى قاراي دارىگەر ارنايى IgE انتيدەنەلەرىنە تەرى سىنامالارى مەن قان تالداۋىن تاعايىنداي الادى.
ودان ءبىرجولا قۇتىلۋعا بولادى ما؟
كەيبىر جاعدايلاردا اللەرگەنگە سەزىمتالدىقتى نولگە دەيىن تومەندەتۋگە بولادى:
- مۇمكىندىگىنشە اللەرگەندەردەن اۋلاق بولىڭىز،
- توزاڭ ماۋسىمى كەزىندە تەرەزەلەردى جابىق ۇستاڭىز،
- كىردى بالكونعا ەمەس، ۇيدە جايىڭىز،
- اۋا تازارتقىشتار مەن شاڭسورعىشتاردى قولدانىڭىز،
- ەگەر جانۋارلارعا رەاكسيا بولسا، ولارمەن بايلانىستى شەكتەڭىز،
- اپتاسىنا كەمىندە ۇيىڭىزدە 2 رەت دىمقىلداپ تازالاڭىز.