پاريج وليمپياداسىنىڭ قولا جۇلدەگەرى، ەكى دۇركىن الەم چەمپيونى نازىم قىزايباي جاڭا لاۋازىمعا تاعايىندالدى، دەپ حابارلايدى aqshamnews.kz.
بوكستان قازاقستان ايەلدەر قۇراماسىنىڭ تۇركىستان وبلىسىنداعى وقۋ-جاتتىعۋ جيىنى اياسىندا، باپكەرلەر مەن بوكسشىلاردىڭ قاتىسۋىمەن جينالىس ءوتىپ، جاڭا قۇرامانىڭ كاپيتانىن سايلادى.
سپورتشىلاردىڭ باسىم كوپشىلىگىنىڭ داۋىسىمەن پاريج وليمپياداسىنىڭ قولا جۇلدەگەرى، ەكى دۇركىن الەم چەمپيونى نازىم قىزايباي بوكستان قازاقستان ايەلدەر قۇراماسىنىڭ كاپيتانى رەتىندە سايلاندى، - دەلىنگەن حابارلامادا.
ءقازىر بوكسشىلار ازيا چەمپيوناتىنا دايىندالىپ جاتىر. قۇرلىقتىق بىرىنشىلىك 30 قاراشا مەن 11 جەلتوقسان ارالىعىندا يوردانيادا وتەدى.