17 جاسار قازاقستاندىق سپورتشى جىبەك قۇلىمبەتوۆا استانادا وتكەن UWW الەم چەمپيوناتىندا ەكى التىن جۇلدەگە يە بولىپ، 10 دۇركىن الەم چەمپيونى اتاندى، دەپ حابارلايدى aqshamnews.kz.
سپورتشى ەكى سانات بويىنشا سىنعا ءتۇستى: «GI» (كيمونو) جانە «NO GI» (كيمونوسىز).
ونىڭ قارسىلاستارى 18-20 جاس ارالىعىنداعى سپورتشىلار بولدى. جارىستىڭ العاشقى كۇنى جىبەك ۋكراينا، يسپانيا، رەسەي جانە قازاقستان وكىلدەرىمەن 5 جەكپە-جەك وتكىزىپ، بارلىعىندا جەڭىسكە جەتتى.
ەكىنشى كۇنى ول ءتورت قارسىلاسپەن كەزدەسىپ، بارلىق جەكپە-جەگىن مەرزىمىنەن بۇرىن اياقتادى.
الەۋمەتتىك جەلىدەگى پاراقشاسىندا جىبەك ءبىرىنشى جەڭىسىن قازاق حالقىنا ارناعانىن، ال ەكىنشىسىن اتى اڭىزعا اينالعان سامبوشى سامات رامازانوۆ پەن ونىڭ جاتتىقتىراتىن اكادەمياسىنا ارناعانىن ايتتى.
ايتا كەتەيىك، جىبەك قۇلىمبەتوۆا سامات رامازانوۆتىڭ اكادەمياسىندا بيىلدان بەرى لەگيونەر رەتىندە جاتتىعىپ ءجۇر.