نازاربايەۆ تاعى ءبىر قۇزىرەتىنەن ايىرىلدى

"وركەن" ءبىلىم بەرۋ گرانتىن ەندى تۇڭعىش پرەزيدەنت ەمەس، مەملەكەت باسشىسى قۇراتىن بولادى.

مەملەكەت باسشىسى قاسىم-جومارت توقايەۆ نۇرسۇلتان نازاربايەۆتى ءوز اتىمەن اتالاتىن مەكتەپتەر، جوو جانە قوردىڭ جوعارعى كەڭەسى باسشىسى مارتەبەسىنەن ايىراتىن زاڭعا قول قويدى، دەپ حابارلايدى Almaty-akshamy.kz

"مەملەكەت باسشىسى "قازاقستان رەسپۋبليكاسىنىڭ كەيبىر زاڭنامالىق اكتىلەرىنە كاسىبي بىلىكتىلىك، مەملەكەتتىك ناگرادالار، الەۋمەتتىك قامسىزداندىرۋ جانە ءبىلىم بەرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" قازاقستان رەسپۋبليكاسىنىڭ زاڭىنا قول قويدى"، - دەلىنگەن اقوردا حابارلاماسىندا.

زاڭعا سايكەس، بۇدان بىلاي پرەزيدەنت نازاربايەۆ زياتكەرلىك مەكتەپتەرى جوعاعرى قامقورشىلىق كەڭەسىنىڭ، نازاربايەۆ ۋنيۆەرسيتەتىنىڭ جانە نازاربايەۆ قورىنىڭ باسشىسى بولادى.

سونداي-اق، جاڭا زاڭدا پرەزيدەنت تاعايىنداعان قازاقستان ازاماتى دا جوعارعى كەڭەستىڭ ءتوراعاسى بولا الادى دەلىنگەن. جوعارى قامقورشىلىق كەڭەس تۋرالى ەرەجەنى جوعارعى قامقورشىلىق كەڭەستىڭ ءتوراعاسى بەكىتەدى.

بۇدان باسقا، قۇجات تاعى ءبىر وزگەرىستى كوزدەيدى: دارىندى بالالاردى نزم-دە وقىتۋعا اقى تولەۋگە ارنالعان "وركەن" ءبىلىم بەرۋ گرانتىن ەندى تۇڭعىش پرەزيدەنت ەمەس، مەملەكەت باسشىسى قۇراتىن بولادى.

ايتا كەتەيىك، بۇعان دەيىن دەپۋتات سنەجاننا يماشيەۆا قىلمىستىق كودەكستەن بۇرىنعى پرەزيدەنت نۇرسۇلتان نازاربايەۆتى قورلاۋ تۋرالى باپتى الىپ تاستاۋعا قاتىستى تۇزەتۋلەر تۋرالى ايتقان بولاتىن.