بۇل سۇراققا وقۋ-اعارتۋ مينيسترلىگى جاۋاپ بەردى.
2023-2024 وقۋ جىلىندا تىلدەردى وقىتۋدى كەزەڭ-كەزەڭىمەن ەنگىزىلەدى، دەپ حابارلايدى Almaty-akshamy.kz
وسى ماقساتتا قازاق تىلىندە وقىتاتىن ءبىرىنشى سىنىپتاردا "الىپپە/انا ءتىلى" پاندەرى، ال "ورىس ءتىلى" وقۋ ءپانى ەكىنشى سىنىپتان باستاپ وقىتىلاتىن بولادى.
ۆەدومستۆونىڭ حابارلاۋىنشا، ورىس تىلىندە وقىتاتىن سىنىپتاردا ءبىرىنشى سىنىپ وقۋشىلارى "قازاق ءتىلى" جانە "بۋكۆار" پاندەرىن وقيتىن بولادى. "شەت ءتىلى" وقۋ ءپانىن بارلىق ءبىرىنشى سىنىپ وقۋشىلارى ءۇشىنشى سىنىپتان باستاپ وقيدى.
"تىلدەردى وقىتۋدى كەزەڭ-كەزەڭىمەن ەنگىزۋ ءتاسىلى وتكەن وقۋ جىلىنان باستاپ ىسكە اسىرىلۋدا. بۇل ءتاسىل ءبىلىم الۋشىلاردىڭ جاس ەرەكشەلىكتەرىن ەسكەرۋگە مۇمكىندىك بەرەتىنى ماڭىزدى"، - دەپ اتاپ ءوتتى ى. التىنسارين اتىنداعى ۇبا پرەزيدەنتى مادينا تىنىبايەۆا.
ايتا كەتەيىك، "ءتىل جانە ادەبيەت" ءبىلىم بەرۋ سالاسى بويىنشا وقۋ ۇدەرىسىن ۇيىمداستىرۋ ى. التىنسارين اتىنداعى ۇبا-نىڭ ادىستەمەلىك-نۇسقاۋ حاتىندا تولىعىراق بەرىلگەن.