قازاقستاننىڭ ءبىرىنشى پرەزيدەنتى نۇرسۇلتان نازاربايەۆتىڭ اتىندا بولعان تاعى ءبىر ۋنيۆەرسيتەتتىڭ اتاۋى وزگەردى، دەپ حابارلايدى اlmaty-akshamy.kz BAQ.KZ-كە سىلتەمە جاساپ.
بۇگىن سەنات ۇلتتىق قوردان بالالارعا بەرىلەتىن قارجىعا قاتىستى زاڭدى ماجىلىسكە قايتارعان بولاتىن. دەپۋتات نەگە بۇلاي جاساعاندارىن ءتۇسىندىردى.
بۇگىن ءبىز ەرەكشە زاڭ جوباسىن قارادىق. پارلامەنتتە ول ەگجەي-تەگجەيلى قارالعان بولاتىن. پرەزيدەنتتىڭ باستاماسىمەن «ۇلتتىق قوردان - بالالارعا» دەگەن زاڭ جوباسى ۇسىنىلدى. قۇجات ماجىلىستە قارالىپ، بىزگە ءتۇستى. ءبىز جالپى نەگىزگى تۇجىرىمدامانى قابىلدادىق. ءبىراق زاڭدى تالقىلاۋ بارىسىندا بىرنەشە وزگەرىس ەنگىزۋگە تۋرا كەلدى. ونىڭ ەگجەي-تەگجەيىن قارجى ۆيسە-مينيسترى ايتىپ بەرەدى. بىرىنشىدەن، اقشانى اۋدارۋعا بايلانىستى. مىسالى، اقشانى جيناقتاۋ قورىنا اۋدارعان كەزدە دوللاردىڭ باعامى ءارتۇرلى بولۋى مۇمكىن. دوللار باعامى ءبىر كۇندە 4-5 رەت وزگەرۋى مۇمكىن. سوندىقتان ءبىز ونى اۋدارۋ كۇنى ەمەس، اۋدارۋ ۋاقىتى دەگەن وزگەرىس ەنگىزدىك، - دەدى بەكبول ورىنباساروۆ.
سونىمەن قاتار ول ماسەلەنى ارنايى قارادىق دەپ وتىر.
ەكىنشىدەن، مۇنى ءبارىمىز ايتۋىمىز كەرەك. تۇڭعىش پرەزيدەنت جانە ەلباسى تۋرالى زاڭنىڭ وزگەرۋىنە بايلانىستى ءبىز وسى ماسەلەنى ارنايى قارادىق. ول جەكە ماسەلە. قازاقستاننىڭ ارناۋلى مەملەكەتتىك ورگاندارى تۋرالى زاڭنىڭ نورماسىنا سايكەس كەلتىرۋ كەرەك بولدى. زاڭمەن قازاقستاننىڭ تۇڭعىش پرەزيدەنتى، ەلباسى اتىنداعى ۇلتتىق قورعانىس ۋنيۆەرسيتەتىندە وقىتۋ ماسەلەسى رەگلامەنتتەلگەن. سەناتورلار وسى ۋنيۆەرسيتەتتىڭ اتاۋىن قازاقستان رەسپۋبليكاسى تۇڭعىش پرەزيدەنتى، ەلباسىنىڭ ەسىمى دەگەن سوزدەردى قازاقستاننىڭ تۇڭعىش پرەزيدەنتى، ەلباسى تۋرالى كونستيتۋسيالىق زاڭنىڭ قولدانىلۋىن توقتاتىلۋىنا بايلانىستى قازاقستان رەسپۋبليكاسى دەگەن سوزدەرمەن اۋىستىرۋدى ۇسىندى، - دەپ اتاپ ءوتتى سەناتور.
بەلگىلى بولعانداي، زاڭنان ۇلتتىق ءال-اۋقات قورىنىڭ جالعىز اكسيونەرىنىڭ قۇزىرەتىن رەتتەيتىن قايتالاناتىن نورمالار الىنىپ تاستالدى.