بۇل تۋرالى الماتى قالاسى اكىمى اپپاراتىنىڭ باسشىسى بەيبىت شاحانوۆ جۇمىس ساپارى بارىسىندا مالىمدەدى، دەپ حابارلايدى اlmaty-akshamy.kz.
العاشقى نىسان ناۋرىزباي اۋدانى №7 قالالىق اۋرۋحانانىڭ الدىنداعى جەر استى وتكەلى ەدى. مۇندا جوندەۋ جۇمىستارى وسى جىلدىڭ قىركۇيەك ايىندا باستالىپ، قازان ايىنىڭ سوڭىنا دەيىن اياقتالادى. ساندىك پليتكالار (كەراموگرانيت) قالپىنا كەلتىرىلىپ، ەنەرگيانى ۇنەمدەيتىن شامدار قويىلادى، بەينەباقىلاۋ كامەرالارى ورناتىلىپ، شاتىر مەن تاكتيلدى پليتالاردى اۋىستىرۋ كوزدەلگەن. اۋدان اكىمىنە ساپاسىز ماتەريالداردى پايدالانباۋعا جول بەرمەۋ تاپسىرىلدى.
«الماتى قالاسى بويىنشا بارلىعى 74 جەر ءۇستى جانە 56 جەر استى جاياۋ جۇرگىنشىلەر وتكەلى بار. بيىل جاڭعىرتىلىپ جاتىر. كەلەسى جىلى 5 جەر ءۇستى وتكەلىندە قۇرىلىس-مونتاج جۇمىسى جوسپارلانعان. وتكەلدەر انتيۆاندالدى شامدارمەن، تاكتيلدى پليتالارمەن جانە بەينەكامەرالارمەن جابدىقتالادى»، - دەدى اپپارات باسشىسى بەيبىت شاحانوۆ.
مۇمكىندىگى شەكتەۋلى جانداردىڭ ىڭعايلى بولۋى ءۇشىن رىسقۇلوۆ داڭعىلى-دوسپانوۆ كوشەلەرىنىڭ قيىلىسىنداعى جەر ءۇستى وتكەلىنە جەدەل ساتى ورناتىلادى. بۇل ەكىنشى نىسان ەدى. كۇردەلى جوندەۋ اياسىندا قولدانىستاعى اسفالتبەتون جابىندارىن بولشەكتەۋ، ساندىك پليتكالار مەن سۋ بۇرۋ قۇرىلعىلارىن قالپىنا كەلتىرۋ، ارالىق قۇرىلىستاردىڭ مەتالل كونسترۋكسيالارىن، تىرەكتەردى، باسپالداق جيەكتەرىن سىرلاۋ، ليفتىلەر مەن كوتەرگىشتەردى كۇردەلى جوندەۋ، شاتىردى اۋىستىرۋ، ىرگەلەس اۋماقتى اباتتاندىرۋ جۇرگىزىلدى. بۇگىندە جوندەۋ جۇمىستارى اياقتالدى.
سونىمەن قاتار، رايىمبەك داڭعىلىنىڭ قيىلىسىنداعى سايىن كوشەسى بويىنداعى جەر ءۇستى وتكەلىندە كۇردەلى جوندەۋ جۇرگىزۋگە جسق ازىرلەنىپ جاتىر. جسق-دا اسفالتتى اۆتوماتتى جىلىتۋ جۇيەسى بار پليتالارعا اۋىستىرۋ، شاتىر مەن ليفت جابدىعى ەلەمەنتتەرىن اۋىستىرۋ، جارىقتاندىرۋدى جاڭارتۋ جانە بەينەباقىلاۋ كامەرالارىن ورناتۋ كوزدەلەدى.
بۇعان قوسا، ەرەكشە قاجەتتىلىگى بار ادامداردىڭ جايلى ءجۇرىپ-تۇرۋى ءۇشىن جاياۋ جۇرگىنشىلەر وتكەلدەرىندە ينكليۋزيۆتى ورتا قۇرۋ بويىنشا جۇمىس جالعاسىپ وتىر. 74 جەر ءۇستى جانە 56 جەر استى جاياۋ جۇرگىنشىلەر وتكەلىندە 87 بىرلىك ليفت قۇرىلىستارى جانە 93 بىرلىك كوتەرگىش پلاتفورمالار بار، ونىڭ ىشىندە:
- 51 بىرلىك ليفت قۇرىلىسى مەن 33 بىرلىك كوتەرگىش پلاتفورما جارامدى، شتاتتىق رەجيمدە جۇمىس ىستەيدى؛
- 34 بىرلىك ليفت قۇرىلىسى مەن 38 بىرلىك كوتەرۋ پلاتفورماسى بويىنشا جۇمىس بيىل جىل سوڭىنا دەيىن اياقتالادى؛
- قالعان 2 بىرلىك ليفت قۇرىلىسى جۇمىس ىستەمەيدى، جەتىسۋ اۋدانىنىڭ اكىمدىگى ونى 2024 جىلعا جوسپارلاعان.
