اقتاۋ قالاسىنىڭ بۇرىنعى نازاربايەۆ رەزيدەنسياسى تۇرعان جەر ەندى مەشىت پەن تەڭىز ۆوكزالىنا اينالادى. ءيا، قاتەلەسپەدىڭىزدەر، بۇرىنعى مەملەكەتتىك نىساننىڭ ورنىنا كوپفۋنكسيالى «باقىت مەكەنى» سالىنباق. بۇل تۋرالى ماڭعىستاۋ وبلىسىنىڭ اكىمى نۇرداۋلەت قيلىباي حالىقپەن كەزدەسۋدە مالىمدەدى، دەپ حابارلايدى aqshamnews.kz
ءبىر كەزدەگى رەزيدەنسيانىڭ جەرى حالىققا ۋادە ەتىلگەندەي بالالارعا ارنالعان نىساندار ءۇشىن پايدالانىلۋى كەرەك ەدى. ءبىراق، تاڭعالارلىق جاعداي، جەر ءبىر كۇندە «جەكە مەنشىكتىڭ قۇشاعىنا» ەنىپ كەتكەن. اكىمنىڭ ايتۋىنشا، بۇل ءقازىر قايتادان مەملەكەتتىك بالانستا. ال ەندى جوسپار بويىنشا، ستاديون، مەشىت، بالالار الاڭدارى، تەڭىز ۆوكزالى، ءتىپتى شاعىن جانە ورتا بيزنەس نىساندارى دا سالىنادى. «ەندى بۇل جەر كىمگە تيەسىلى ەكەنىن سۇراماي-اق قويىڭىزدار، ءبارىبىر وزگەرىپ كەتۋى مۇمكىن»، — دەگەن وي تۋادى.
ءبىراق ەڭ قىزىعى، مەملەكەتتىك ساراپتاما ناتيجەلەرى تەك 2025 جىلدىڭ ناۋرىزىندا دايىن بولادى ەكەن. ياعني، قازىردەن باستاپ ارمانعا شومىلىپ، تەڭىز جاعاسىنداعى مەشىتكە كەلىپ دۇعا وقىپ، بالالار الاڭىندا ويناپ، تەڭىز ۆوكزالىنان كاتەرگە وتىرىپ كەتۋدى كوز الدارىڭىزعا ەلەستەتە بەرىڭىزدەر.