رەسەيلىك ساياساتتانۋشى جانە ورتالىق ازيا بويىنشا ساراپشى اركاديي دۋبنوۆ قازىرگى قازاقستاننىڭ ەكى كوشباسشىسىنىڭ – نۇرسۇلتان نازاربايەۆ پەن قاسىم-جومارت توقايەۆتىڭ جاعدايىن قىزىقتى تۇرعىدا سيپاتتادى، دەپ حابارلايدى aqshamnews.kz
Paryz.kz باسىلىمىنا بەرگەن سۇحباتىندا دۋبنوۆتىڭ ەكى دايەكسوزىمەن بولىسەمىز:
«نازاربايەۆتى ايايمىن، سەبەبى ونىڭ امبيسيالارى مەن اقىل-ويىنىڭ تەرەڭدىگىنە قاراماستان، ول ءوز اينالاسىنىڭ، ءوزىنىڭ وتباسىنىڭ قۇربانى بولدى. بۇل تەك ونىڭ جەكە تراگەدياسى ەمەس، ول قازاقستاننىڭ ءارى قارايعى دامۋىنا دا قايعىلى اسەرىن تيگىزدى. سوندىقتان (كۇلدى) ونى بۇگىن سىنامايمىن. ارىستان ءتىرى، ءبىراق ول بۇرىنعىداي ەمەس»، — دەپ پىكىر ءبىلدىردى ساياساتتانۋشى.
«توقايەۆ ءوز بولمىسىنا ساي بولا باستادى. ياعني، ول بالكىم، قانداي بولۋعا دايىن بولعان بولسا، ءدال سونداي ادامعا اينالدى. ەگەر نازاربايەۆ بولماعاندا، ونىڭ تاعدىرى باسقاشا بولار ەدى. ويتكەنى ول ونىڭ كەزىندە مانسابىن جاسادى. نازاربايەۆ ونى بۇۇ باس حاتشىسىنىڭ ورىنباسارى قىزمەتىنە تاعايىندادى، جانە ونى سول جەردەن قايتا شاقىرىپ الدى. ەستەرىڭىزدە بولسا، بۇل سەناتقا ايتقان ايگىلى سوزدەرى ەدى: سىزدەر مەنىڭ ءىزباسارىم كىم بولاتىنىن سۇرادىڭىزدار، مىنە – دەپ قولىن توقايەۆقا قاراي سوزدى. بۇل كەڭەستىك ەرەكشەلىك، كوشباسشى كىمنىڭ ءۇي يەسى ەكەنىن كورسەتكەن كەزدە. ءبىراق، مەنىڭ ويىمشا، ۆاسسال بولۋ سەزىمى وتە جاعىمسىز»، — دەپ ءبولىستى دۋبنوۆ ءوز ويىمەن.