20 ناۋرىزدا قازاقستاندا ناۋرىزناما ونكۇندىگىن مەرەكەلەۋ اياسىندا ۇلتتىق سپورت كۇنى ءوتتى. بۇل كۇنى الماتىدا اۋدانداردا، مەكتەپتەردە جانە كوميۋنيتي ورتالىقتاردا كوپتەگەن ءىس-شارا ءوتتى، دەپ حابارلايدى Almaty-akshamy.kz
بۇل كۇنى مەكتەپ وقۋشىلارى ۇلتتىق سپورت تۇرلەرىنەن ب ا ق سىناستى. جەتىسۋ اۋدانىنىڭ № 110 مەكتەپ-گيمنازياسىندا 7-8 سىنىپ وقۋشىلارى ارقان تارتۋ، اسىق اتۋ، تىماق ۇرۋ، قول كۇرەس، بۇقا تارتۋ سياقتى ۇلتتىق سپورت تۇرلەرىنەن ب ا ق سىناستى، №7 وقۋشىلار ۇيىندە «توعىزقۇمالاق» زياتكەرلىك ۇلتتىق ويىنى بويىنشا وقۋشىلار اراسىندا «ۇلىستىڭ ۇلى كۇنى – ۇلتتىق يگى» اتتى قالالىق جارىس ءوتتى. اۋەزوۆ اۋدانىنىڭ №116 مەكتەبىندە وقۋشىلار ارقان تارتۋ، اسىق اتۋ، تىماق ۇرۋ، بۇقا تارتىس جانە توعىزقۇمالاق سىندى ۇلتتىق سپورت تۇرلەرىنەن ب ا ق سىناستى.
سونىمەن قاتار، ناۋرىزناما ونكۇندىگىن مەرەكەلەۋ اياسىندا ۇلتتىق سپورت كۇنىنە ارنالعان مەرەكەلىك ءىس-شارا قالالىق كوميۋنيتي ورتالىقتاردىڭ بىرىندە ءوتتى. تۇركسىب اۋدانىندا جاستار اراسىندا ارقان تارتۋ، ارمرەستلينگ جانە اسىق اتۋدان جارىس ۇيىمداستىرىلدى.
ناۋرىزباي اۋدانىندا № 76 مەكتەپ-گيمنازياسىندا ۇلدار اراسىندا اسىق اتۋ، توعىزقۇمالاق، بەستاس (شەكەمتاس)، قول كۇرەس، لاڭگى تەبۋ، ارقان تارتۋ، حانتالاپاي جانە تىماق ۇرۋدان ۇلتتىق ويىندار وتكىزىلدى. ۇلتتىق ويىندارعا 100-دەن استام وقۋشى قاتىستى.
الاتاۋ اۋدانىندا №152 مەكتەپ-گيمنازياسىندا وقۋشىلار اراسىندا ارقان تارتۋ، اسىق اتۋ، بەس اسىق، قازاق كۇرەسى، توعىزقۇمالاق، بۇقا تارتىس جانە تەڭگە الۋدان جارىستار ءوتتى.
بوستاندىق اۋدانىندا ناۋرىز مەرەكەسىنە ارنالعان «كۇي كۇمبىرى» رەسپۋبليكالىق چەللەندجى وتكىزىلدى. 200-دەن استام جاس دومبىراشى ەر تۇران مەن بالبىراۋىن سىندى قازاق كومپوزيتورلارىنىڭ كۇيلەرىن تارتتى.