ناۋرىزدا ەل تۇرعىندارىنىڭ ءۇي ساتىپ الۋ بەلسەندىلىگى ارتقان

سوڭعى ايدا ەلىمىزدە باسپانا باعاسى كۇرت كوتەرىلگەن

ناۋرىزدا تۇرعىن ءۇيدى ساتىپ الۋ، ساتۋ مامىلەلەرى ارتقان، دەپ حابارلايدى Almaty-akshamy.kz.

ۇلتتىق ستاتيستيكا بيۋروسىنىڭ مالىمەتىنشە، 2022 جىلعى ناۋرىزدا تۇرعىن ءۇيدى ساتىپ الۋ-ساتۋ بويىنشا 67801 مامىلە تىركەلگەن، بۇل اقپان ايىمەن سالىستىرعاندا 45،6% ارتىق.

وتكەن ايدا تۇرعىن ءۇيدى ساتىپ العاندار ىشىندە قاراعاندى وبلىسىنىڭ تۇرعىندارى بەلسەندىلىك تانىتقان، بارلىعى – 11444 مامىلە، ودان كەيىن نۇر-سۇلتان جانە الماتى قالالارى، تيىسىنشە 8652 مەن 6613 شارت. مامىلە سانى ەڭ از بولعان ءوڭىر – سولتۇستىك قازاقستان وبلىسى -1124.

«قازاقستاندىقتاردى كوبىنە كوپ پاتەرلى ۇيلەردەگى تۇرعىن ءۇي قىزىقتىرعان، بارلىعى – 49 844 مامىلە، جەكە ۇيلەر بويىنشا 17957 مامىلە جاسالعان. كوپ پاتەرلى ۇيلەردەگى بولمەلەر سانى تۇرعىسىنان 2 بولمەلى پاتەرلەر سانى باسىم، ناۋرىزدا ولاردىڭ 20003ء-ى راسىمدەلگەن»،-دەلىنگەن حابارلامادا.

2022 جىلعى ناۋرىزدا تۇرعىن ءۇيدى ساتىپ الۋ-ساتۋ مامىلەلەرىنىڭ سانى وتكەن جىلدىڭ ءتيىستى ايىمەن سالىستىرعاندا 28،7% وسكەن. وڭىرلەر اراسىندا مامىلەلەردىڭ ءوسىمى قوستاناي وبلىسىنا تيەسىلى، وتكەن جىلعى ناۋرىزبەن سالىستىرعاندا مامىلەلەر سانى 2،2 ەسەگە ارتقان. ال تۇرعىن ءۇيدى ساتىپ الۋ-ساتۋعا دەگەن قىزىعۋشىلىق وتكەن جىلعى سايكەس ايىمەن سالىستىرعاندا ماڭعىستاۋ وبلىسىندا 32،1% تومەندەگەن.

ايتا كەتسەك، سوڭعى ايدا ەلىمىزدە باسپانا باعاسى كۇرت كوتەرىلگەن.