الماتىنىڭ بوستاندىق اۋدانىندا جىلۋ جەلىلەرى جوندەلىپ جاتقاندىقتان، ناۋرىزباي باتىر كوشەسىندەگى ۋچاسكەلەردىڭ بىرىندە قوزعالىس ۋاقىتشا شەكتەلەدى، دەپ حابارلايدى aqshamnews.kz «الماتى جىلۋ جۇيەسى» جشس-نە سىلتەمە جاساپ.
الماتىدا ناۋرىزباي باتىر كوشەسىندەگى ۋچاسكە جىلۋ جەلىلەرىن جوندەۋ ءۇشىن ءبىر تۇنگە جارتىلاي جابىلادى
3 ماۋسىمدا ساعات 23:00-دەن باستاپ 4 ماۋسىم ساعات 08:00-گە دەيىن الماتىنىڭ بوستاندىق اۋدانىنا قاراستى ناۋرىزباي كوشەسىنىڭ بويىندا اباي داڭعىلىنان ساتپايەۆ كوشەسىنە دەيىن اۆتوكولىكتەردىڭ قوزعالىسى جارتىلاي شەكتەلەدى.
ۋاقىتشا شەكتەۋلەر اتالعان كوشە سەگمەنتتەرىنىڭ استىمەن وتەتىن ماگيسترالدىق قۇبىرجولداردى جاڭعىرتۋ بويىنشا جوسپارلى جۇمىستاردىڭ قاۋىپسىزدىگىن قامتاماسىز ەتۋ ءۇشىن ەنگىزىلەدى.
ەسكەرتەمىز: قوزعالىستاردى شەكتەۋگە قاتىستى بارلىق اقپارات Almaty.kz سايتىندا، @AlmatyJoly Telegram-ارناسىندا، اۋداندىق اكىمدىكتەر مەن باسقارمالاردىڭ الەۋمەتتىك جەلىلەرىندە، سونداي-اق «2GIS» جانە «ياندەكس كارتالار» سەرۆيستەرىندە ورنالاستىرىلعان.
ۋاقىتشا قولايسىزدىقتارعا تۇسىنىستىكپەن قاراۋلارىڭىزدى سۇرايمىز.
