اقپاراتتى ۇلتتىق ستاتيستيكا بيۋروسى جاريالادى، دەپ حابارلايدى aqshamnews.kz
1 مامىرداعى جاعداي بويىنشا قازاقستان حالقىنىڭ سانى 20 353 265 ادامدى قۇرادى.
جىل باسىنان بەرى حالىقتىڭ جالپى ءوسىمى 69،8 مىڭ ادام بولدى. ونىڭ ىشىندە تابيعي ءوسىم ەسەبىنەن – 63،4 مىڭ ادامعا، كوشى-قون ەسەبىنەن – 6،3 مىڭ ادامعا.
"حالىق سانىنىڭ ەڭ جوعارى ءوسۋ قارقىنى استانادا بايقالدى. استانا حالقىنىڭ سانى كوشى-قون اعىندارى ەسەبىنەن ارتىپ كەلەدى. ماسەلەن، ەلوردا تۇرعىندارىنىڭ سانى جىل باسىنان بەرى 29،7 مىڭ ادامعا ءوستى، ونىڭ 78،3%-ى كوشى-قون ەسەبىنەن"، – دەلىنگەن بيۋرو تاراتقان رەسمي اقپاراتتا.
ايتا كەتەيىك، جىل باسىنان بەرى كوشى-قوننىڭ وڭ سالدوسى 5 وڭىردە – الماتى جانە ماڭعىستاۋ وبلىستارىندا، سونداي-اق رەسپۋبليكالىق ماڭىزى بار قالالاردا – استانا، الماتى جانە شىمكەنتتە بايقالدى.