كۇندەلىكتى شامامەن 150 ادامعا ەكپە سالىنادى.
ەكپە ەگۋ ناۋقانىنىڭ باستاپقىسىندا الماتى قالاسى ناۋرىزباي اۋدانىندا كۆي-دەن ءبىرىنشى ساتىلى ۆاكسينانى بۇگىنگى كۇنى 49 572 ادام الدى، بۇل دەگەنىمىز اۋدان بويىنشا 93،1%-دى قۇرايدى جانە 34 911 ادام ۆاكسينانىڭ ەكىنشى كومپونەنتىن العان (70%)، دەپ حابارلايدى Almaty-akshamy.kz Almaty.tv cىلتەمە جاساپ.
«كۇندەلىكتى بىزدە شامامەن 150 ادامعا ەكپە سالىنادى. ەكپە العانداردىڭ بارلىعى وزدەرىن جاقسى سەزىنەدى. بۇگىنگى كۇنگە دەيىن دەنساۋلىقتارىندا قانداي دا ءبىر اقاۋلار انىقتالماعان. بارلىق تۇرعىنداردى ۇجىمدىق يممۋنيتەت قالىپتاسىپ، ينفەكسيانىڭ تارالۋىنا جول بەرمەۋ ماقساتىندا ۆاكسينا الۋعا شاقىرامىز. ۆاكسينانى قالاداعى كەز كەلگەن ەمحانادا كۇندەلىكتى ساعات 8.00 مەن 20.00 ارالىعىندا الۋعا بولادى. قازىرگى تاڭدا ۆاكسينا العانداردىڭ كەيبىرەۋىنىڭ كوروناۆيرۋس ينفەكسياسىن جۇقتىرعان جايلار كەزدەسۋدە. دەگەنمەن، ولاردىڭ ەكپە سالۋدان باس تارتقاندارعا قاراعاندا، ول ينفەكسيانىڭ اۋىر سالدارىنسىز اسا جەڭىل تۇردە اۋىراتىنىن ايتا كەتكەن ءجون»، – دەدى ناۋرىزباي اۋدانى اۋداندىق مەديسينا ۇيىمدارىنىڭ باسشىسى گۇلجاينات تىلەگەن.
ءار ازامات، بەكىتىلگەن جەرىنە قاراماستان، قالاداعى كەز كەلگەن ەمحانادا ۆاكسينا الا الادى. شەت ەل ازاماتتارى بولسا، ەگەر تۇرعىلىقتى مەكەنجاي ىحتيارحاتى بولىپ ەمحاناعا بەكىتىلسە، وندا ولارعا مەديسينالىق كومەك بارلىق قاجەتتى كولەمىندە كورسەتىلەدى. سونداي-اق ۆاكسينا الا الادى.
جالپى، قالا بويىنشا مەديسينا ۇيىمدارىندا، مەكتەپتەردە، مادەنيەت، سپورت نىساندارىندا، بازار جانە وسسو-دا 212 (250-گە دەيىن كوبەيتۋ مۇمكىندىگىمەن) ۆاكسينا سالۋ پۋنكتى قىزمەت ەتۋدە. جانە 1 260 ادامنان قۇرالعان 308 ەكپە سالۋ بريگاداسى قاراستىرىلعان.