جەتىسۋدا ءدىن ىستەرى باسقارماسىنا جاڭا باسشى كەلدى

بۇل قىزمەتكە باۋىرجان نيەت تاعايىندالدى.

الماتى وبلىسىنداعى ءدىن ىستەرى باسقارماسىنا جاڭا باسشى كەلدى. بۇل باسقارمانى باۋىرجان نيەت باسقاراتىن بولدى، دەپ حابارلايدى Almaty-akshamy.kz وبلىس اكىمىنىڭ باسپا ءسوز قىزمەتىنە سىلتەمە جاساپ.

الماتى وبلىسىنىڭ اكىمى اماندىق باتالوۆتىڭ قاۋلىسىمەن باۋىرجان نيەت ءدىن ىستەرى باسقارماسىنىڭ باسشىسى بولىپ تاعايىندالدى.

1986 جىلدىڭ 15 قازان كۇنى دۇنيەگە كەلگەن باۋىرجان نيەت 2011 جىلى قازاقستان رەسپۋبليكاسى مادەنيەت مينيسترلىگى ءدىني ىستەر كوميتەتىندە ىس-جۇرگىزۋشى ينسپەكتور بولىپ قىزمەت اتقارعان.

 2012-2013 جىلدارى «الماتى وبلىسى ءدىن ىستەرى دەپارتامەنتى» مەملەكەتتىك مەكەمەسىنىڭ باس مامانى بولعان. 

2013-2016 جىلدارى «الماتى وبلىسىنىڭ ءدىن ىستەرى باسقارماسى» مەملەكەتتىك مەكەمەسىنىڭ ءدىني بىرلەستىكتەرمەن جۇمىس، تالداۋ جانە ستراتەگيالىق جوسپارلاۋ ءبولىمىنىڭ باس مامانى بولعان. 

2016 جىلى «الماتى وبلىسىنىڭ ءدىن ىستەرى باسقارماسى» مەملەكەتتىك مەكەمەسىنىڭ ءدىني بىرلەستىكتەرمەن جۇمىس، قۇقىق قورعاۋ ورگاندارمەن ءوزارا ىس-ارەكەت جانە ساراپتاما جۇرگىزۋ ءبولىمىنىڭ باس مامانى قىزمەتىن اتقارعان. 

2016 جىلى «الماتى وبلىسىنىڭ ءدىن ىستەرى باسقارماسى» مەملەكەتتىك مەكەمەسىنىڭ ءدىني احۋالدى تالداۋ، اقپاراتتىق-ناسيحاتتاۋ جانە ادىستەمەلىك جۇمىس ءبولىمىنىڭ باسشىسى بولعان.