ناۋرىزباي اۋدانىنداعى ارىق جەلىلەرىن سالۋ جۇمىستارى قاراشادا اياقتالادى

ۇزىندىعى 1 100 مەتر ويجايلاۋ وزەنىنىڭ ارناسى نىعايتىلدى.

الماتى اكىمى ەربولات دوسايەۆ ناۋرىزباي اۋدانىندا جايلى قالالىق ورتانى قالىپتاستىرۋ ءۇشىن جاسالىپ جاتقان جۇمىستار تۋرالى ايتتى، دەپ حابارلايدى Almaty-akshamy.kz.

اكىمنىڭ ايتۋىنشا، تۇراقتى سۋ باساتىن جەرلەردى جويۋ ءۇشىن اۋداندا 6 ۋچاسكە انىقتالدى. ءتورت ۋچاسكە بويىنشا جۇمىستار اياقتالدى: ويجايلاۋ وزەنىنىڭ ۇزىندىعى 1 100 مەتر ارناسى نىعايتىلدى، تولەبەكوۆ، تالجانوۆ، جادىرا كوشەلەرىنە ۇزىندىعى 800 مەتر ارىق جەلىسى سالىندى.

«بيىلعى قاراشا ايىنىڭ سوڭىنا دەيىن رايىمبەك داڭعىلىنداعى «نۇرلى دالا» تۇرعىن ءۇي كەشەنىنەن اقساي وزەنىنىڭ ارناسىنا دەيىن ۇزىندىعى 1 400 مەتر جانە سابدەنوۆ كوشەسىندەگى ارىق جەلىسىن اباتتاندىرۋ اياقتالادى. سونداي-اق، جوسپارلانعان 11 كم بولاتىن 7 كوشەدەن كارەرنايا، داۋلەتكەرەي جانە ەگىنسۋ اتتى ءۇش كوشەنىڭ ارىق جەلىلەرى سالىندى. قالعان رىمجانوۆ، اسپاندياروۆ، ايبوليت، سەيتبەكوۆ اتتى ءتورت كوشەنىڭ جۇمىستارى وسى جىلدىڭ قاراشا ايىنىڭ سوڭىنا دەيىن اياقتالادى»، -  دەدى ەربولات دوسايەۆ.

سونىمەن قاتار قالا باسشىسى بۇل اۋداندا قانشا اعاش كەسىلەتىنىن ايتتى.

«4 800 اعاشتى سانيتارلىق كەسۋ جانە 40 اۆاريالىق جاعدايداعى اعاشتى سانيتارلىق وتاۋ جۇمىستارى جۇرگىزىلدى»، - دەدى قالا اكىمى.