حالىقتىڭ قاۋىپسىزدىگىن قامتاماسىز ەتۋ جانە اۋدان اۋماعىن بەينەباقىلاۋ كامەرالارىمەن قامتۋ ماقساتىندا 300 كامەرانى ورناتۋ جۇمىستارى باستالدى.
بۇل تۋرالى الماتى اكىمى ەربولات دوسايەۆتىڭ ناۋرىزباي اۋدانى تۇرعىندارىمەن وتكەن كەزدەسۋىندە بەلگىلى بولدى.
بۇل جۇمىستار وسى جىلدىڭ سوڭىنا دەيىن اياقتالادى، دەپ حابارلايدى Almaty-akshamy.kz.
«2023 جىلدىڭ I توقسانىندا 369 كامەراعا ەسەپتەلگەن قازىرگى 36 «سەرگەك» اپپاراتتىق-باعدارلامالىق كەشەنىنە (21 - جەلىلىك ۋچاسكەلەردە، 15 - كوشە قيىلىستارىندا) قوسىمشا 205 كامەراعا ەسەپتەلگەن 20 «سەرگەك» اپپاراتتىق-باعدارلامالىق كەشەنى (19 – جەلىلىك ۋچاسكەلەردە، 1 – جول قيىلىسىندا) ورناتىلادى»، - دەدى قالا اكىمى ەربولات دوسايەۆ.
«حالىق قاتىساتىن بيۋدجەت» باعدارلاماسى اياسىندا 1،8 ملرد. تەڭگەگە بارلىعى 47 جوبا ورىندالدى. "اقجار" شاعىناۋدانىنداعى جانە "قالقامان" شاعىناۋدانىنداعى سكۆەرلەر، قونايەۆ كوشەسىندەگى ۇزىندىعى 1،2 كم سەرۋەندەۋ ايماعى، "مەيرام" شاعىناۋدانىنداعى جاياۋ جۇرگىنشىلەر ايماعى، ت.ب. اباتتاندىرىلدى.
بارلىعى 21 قوعامدىق كەڭىستىك ۋچاسكەسى جانە جول ينفراقۇرىلىمى بويىنشا 26 جوبا اباتتاندىرىلدى.
كەلەسى جىلى داۋىس بەرۋ قورىتىندىسى بويىنشا بەرىلگەن 129 ۇسىنىستىڭ ىشىنەن 1،8 ملرد. تەڭگەدەن استام سوماعا 45 جوبا الدىن الا ىرىكتەپ الىندى.