بۇل تۋرالى الماتى اكىمى ەربولات دوسايەۆتىڭ ناۋرىزباي اۋدانى تۇرعىندارىمەن وتكەن كەزدەسۋىندە بەلگىلى بولدى.
اۋداندا مەكتەپتەگى ورىن تاپشىلىعى ماسەلەسى بىرتىندەپ شەشىمىن تاۋىپ كەلەدى، دەپ حابارلايدى Almaty-akshamy.kz
«مىسال رەتىندە الاتىن بولساق، 2022 جىلدىڭ باسىندا ناۋرىزباي اۋدانى قالاداعى وقۋشى ورىندارىنىڭ تاپشىلىعى بويىنشا ءبىرىنشى ورىندا تۇردى (7251 ورىن). ال، بيىلعى جىلدىڭ باسىندا بۇل كورسەتكىش 3 ەسە، ياعني 2494 ورىنعا دەيىن قىسقاردى»، - دەدى قالا اكىمى ە.دوسايەۆ.
وتكەن جىلى "قالقامان" مەن "شۇعىلا" شاعىناۋداندارىندا 5100 ورىندىق 4 مەكتەپ اشىلدى.
«سىزدەردىڭ اۋداندارىڭىزداعى تۇرعىن ءۇي قۇرىلىسىنىڭ قارقىنىن ەسكەرە وتىرىپ، تاعى 6 جاڭا مەكتەپتى جوبالاۋ جانە سالۋ جۇمىستارى ءجۇرىپ جاتىر»، - دەدى قالا باسشىسى.