"بيىل اۋداندا قوسىمشا 34 شاقىرىم سىرتقى جارىق جۇرگىزىلەدى"، - دەدى قالا اكىمى ەربولات دوسايەۆ اۋدان تۇرعىندارىمەن كەزدەسۋدە
اكىمدىكتىڭ قالاداعى 511 كوشەدەگى سىرتقى جارىق بويىنشا جۇرگىزگەن جۇمىستارى اياسىندا 2022 جىلى ناۋرىزباي اۋدانىندا 10 ۋچاسكە قامتىلدى («ەليسەيسكيە پوليا» كوتتەدج قالاشىعى، تۇيىق كوشەلەرى بار بەگايلى، سادوۆىي بۋلۆار، كارەرنايا كوشەلەرى، «پرەمەرا» تۇرعىن ءۇي كەشەنى، ءىلتيپاپ، تولەبەكوۆ، بەلجايلاۋ، بەرەكە جانە بىرلىك كوشەلەرى). كەنەسارى حان كوشەسىنىڭ 11ء-شى ۋچاسكەسىندەگى جۇمىستار وسى جىلدىڭ اقپان ايىنىڭ سوڭىنا دەيىن اياقتالادى.
تۇرعىنداردىڭ وتىنىشتەرى بويىنشا اۋداننىڭ باۋ-باقشا سەرىكتەستىكتەرىندەگى 50 كوشەگە وسى جىلدىڭ سوڭىنا دەيىن قوسىمشا ۇزىندىعى 34 شاقىرىم سىرتقى جارىق جۇرگىزىلەدى. بۇل كوشەلەر 511 كوشە تىزىمىنە ەنبەگەن، سەبەبى ولار باۋ-باقشا سەرىكتەستىگىندە ورنالاسقان.
اۋدان اكىمدىگى «حالىق قاتىساتىن بيۋدجەت» باعدارلاماسى شەڭبەرىندە جۇمىستار جۇرگىزۋدى جوسپارلاپ وتىر.