اۋداندا وقۋشى ورىندارىنىڭ تاپشىلىعىن ازايتۋ ماقساتىندا جۇمىستار جاسالىپ جاتىر.
جاڭا وقۋ جىلىندا "قالقامان" شاعىناۋدانىندا 1 800 ورىندىق جانە "قارعالى" شاعىناۋدانىندا 600 ورىندىق جەكە مەنشىك مەكتەپ اشىلدى، دەپ حابارلايدى Almaty-akshamy.kz
جىل سوڭىنا دەيىن تاعى 2 مەكتەپ اشىلادى. اتاپ ايتقاندا، قاراشا ايىندا "قالقامان" شاعىناۋدانىندا 1 500 ورىندىق جانە جەلتوقساندا «الما سيتي – 5» اۋماعىندا 1 200 ورىندىق مەكتەپ (ساتىپ الۋ راسىمدەرى ءجۇرىپ جاتىر).
سونىمەن قاتار، "شۇعىلا" شاعىناۋدانىندا Qazaq Stroy كومپانياسى «الەم سيتي» (دايىندىعى - 60%) جانە «الما سيتي – 4» (10%) اۋماعىندا 2 400 ورىندىق ەكى مەكتەپ سالىپ جاتىر. قۇرىلىس 2023 جىلدىڭ III توقسانىندا اياقتالادى.
جىل سوڭىنا دەيىن "شۇعىلا" شاعىناۋدانىندا № 174 مەكتەپكە 375 ورىندىق قوسىمشا قۇرىلىستىڭ جوبالاۋ-سمەتالىق قۇجاتتاماسى اياقتالىپ، مەملەكەتتىك ساراپتاماعا جىبەرىلەتىن بولادى. ساراپتاما قورىتىندىسى شىعىپ، كونكۋرستىق راسىمدەر اياقتالعاننان كەيىن، 2023 جىلدىڭ II توقسانىندا قۇرىلىسىن باستاۋ جوسپارلانۋدا.
"قۇرامىس" شاعىناۋدانىنداعى 1 500 ورىندىق جانە "شۇعىلا" شاعىناۋدانىنداعى 2 000 ورىندىق ەكى مەكتەپتىڭ جوبالاۋ-سمەتالىق قۇجاتتاماسى ازىرلەنىپ، 2023 جىلدىڭ I توقسانىندا مەملەكەتتىك ساراپتاماعا جىبەرىلەدى. قۇرىلىسى 2023 جىلدىڭ III توقسانىندا باستالادى.
سونداي-اق "شۇعىلا" شاعىناۋدانىنداعى ەسكى №15 مەكتەپ-ينتەرنات جانە «نۇرلى دالا» تۇرعىن ءۇي كەشەنىنىڭ اۋماعىنداعى ەكى مەكتەپتىڭ جوبالاۋ-سمەتالىق قۇجاتتاماسىن ازىرلەۋگە كونكۋرس جاريالاۋ ءۇشىن قۇجاتتاما دايىندالۋدا.
وسى جىلدىڭ باسىنان باستاپ بالاباقشاداعى ورىن تاپشىلىعىن ازايتۋ ماقساتىندا 700 ورىندىق 12 جەكە مەنشىك بالاباقشا اشىلدى.
سونداي-اق "شۇعىلا" شاعىناۋدانىندا 320 ورىندىق جاڭا بالاباقشا قۇرىلىسى باستالدى. 2023 جىلدىڭ شىلدە ايىندا اياقتالادى. جاڭا جوبالاردى ازىرلەۋ جالعاسۋدا.
«نۇرلى دالا» تۇرعىن ءۇي كەشەنىنىڭ اۋماعىندا 320 ورىندىق بالاباقشانىڭ جوبالاۋ-سمەتالىق قۇجاتتاماسىنىڭ قۇنىنا قاتىستى ەسكەرتۋلەردى نازارعا الا وتىرىپ، 2023 جىلعى اقپاندا مەملەكەتتىك ساراپتاماعا قايتا جىبەرىلەدى (2023 جىلعى ءساۋىر، قۇرىلىس-مونتاجداۋ جۇمىستارى – 2023 جىلدىڭ III توقسانىندا باستالادى). سونىمەن قاتار "قۇرامىس" شاعىناۋدانىنداعى 320 ورىندىق، "شۇعىلا" شاعىناۋدانىنداعى 320 ورىندىق جانە "قالقامان" شاعىناۋدانىنداعى 240 ورىندىق ءۇش بالاباقشانىڭ جوبالاۋ-سمەتالىق قۇجاتتاماسى ازىرلەنۋدە (مەملەكەتتىك ساراپتاما 2023 جىلدىڭ III توقسانىندا جاسالىپ، قۇرىلىس-مونتاجداۋ جۇمىستارى IV توقساندا باستالادى). تۇرعىنداردىڭ ءوتىنىشى بويىنشا بالالاردى قوسىمشا وقىتۋمەن قامتۋ ءۇشىن "شۇعىلا" شاعىناۋدانىندا اپتا سايىن 5 مىڭنان استام بالا قاتىسا الاتىن كوپسالالى يننوۆاسيالىق شىعارماشىلىق ورتالىقتىڭ (وقۋشىلار سارايىنىڭ) قۇرىلىسى قارقىندى ءجۇرىپ جاتىر. نىساندى 2023 جىلدىڭ II توقسانىندا اشۋ جوسپارلانعان»، - دەدى قالا باسشىسى ەربولات دوسايەۆ بۇگىنگى كەزدەسۋدە.