الماتىنىڭ ناۋرىزباي اۋدانىندا العاشقى دەنە شىنىقتىرۋ-ساۋىقتىرۋ كەشەنىنىڭ قۇرىلىسى 2024 جىلدىڭ قىركۇيەگىندە باستالادى.
الماتىنىڭ ناۋرىزباي اۋدانىنداعى ەمحانالاردىڭ جەتىسپەۋشىلىگى ماسەلەسىن شەشۋ جانە مەديسينالىق قىزمەت كورسەتۋ ساپاسىن ارتتىرۋ ءۇشىن 2024 جىلدىڭ قىركۇيەگىندە «قۇرامىس» جانە «شۇعىلا» شاعىن اۋدانىندا 500 ادام قابىلدايتىن ەكى جاڭا ەمحانا جانە «اقجار» شاعىن اۋدانىندا 200 ادام قابىلدايتىن 1 دارىگەرلىك امبۋلاتوريا سالۋ جوسپارلانعان. بۇل تۋرالى اكىم ەربولات دوسايەۆ تۇرعىندارمەن كەزدەسۋدە مالىمدەدى.
«ناۋرىزباي اۋدانىنىڭ اۋماعىندا العاش رەت قىركۇيەك ايىندا «شۇعىلا» شاعىن اۋدانىندا دەنە شىنىقتىرۋ-ساۋىقتىرۋ كەشەنىنىڭ قۇرىلىسىن باستاۋ جوسپارلانىپ وتىر»، - دەدى قالا باسشىسى.
ەستەرىڭىزگە سالا كەتەيىك، الماتىدا دەنە شىنىقتىرۋ-ساۋىقتىرۋ كەشەندەرى بالالار مەن جاستاردى قولجەتىمدى سپورت سەكسيالارىمەن قامتاماسىز ەتۋ، سونىمەن قاتار، حالىقتى سالاۋاتتى ءومىر سالتىنا تارتۋ ءۇشىن سالىنىپ جاتىر.
- 2022 جىلى الماتىداعى «اينابۇلاق»، «كەمەل» جانە «قۇلاگەر» شاعىن اۋداندارىندا 3 جاڭا كەشەن اشىلدى، بۇگىندە ولار شتاتتىق رەجيمدە جۇمىس ىستەيدى. 2023 جىلى «الاتاۋ» جانە «زەردەلى» شاعىن اۋدانىندا 2 دەنە شىنىقتىرۋ-ساۋىقتىرۋ كەشەنىنىڭ قۇرىلىسى اياقتالدى.
- 2024 جىلى مەگاپوليستىڭ تۇركسىب، مەدەۋ، الاتاۋ اۋداندارىندا 3 دەنە شىنىقتىرۋ-ساۋىقتىرۋ كەشەنىن اشۋ جوسپارلانعان. جاڭا نىساندار كۇن سايىن بارلىعى 2000-نان استام ادامدى قابىلداي الادى.
بۇدان باسقا، 4 دەنە شىنىقتىرۋ-ساۋىقتىرۋ كەشەنىنىڭ، مۇمكىندىگى شەكتەۋلى جاندارعا ارنالعان سپورت ورتالىعىنىڭ، جەڭىل اتلەتيكا مانەجىنىڭ، «مەدەۋ» بتسك جاڭعىرتۋ جانە ورتالىق ستاديوننىڭ جوبالاۋ-سمەتالىق قۇجاتتاماسىن ازىرلەۋ جۇرگىزىلىپ جاتىر.