ناۋرىزباي اۋدانى قۇرىلعاننان بەرى اۋىز سۋ ماسەلەسى تۇرعىندار ءۇشىن اسا وتكىر پروبلەما بولىپ وتىر.
قازىرگى ۋاقىتتا قارعالى سۋ قويماسىنىڭ قۇرىلىسى اياقتالىپ، اقساي سۋ قويماسىنىڭ قۇرىلىسى باستالدى، دەپ حابارلايدى Almaty-akshamy.kz.
بۇل تۋرالى الماتى اكىمى ەربولات دوسايەۆتىڭ ناۋرىزباي اۋدانى جۇرتشىلىعىمەن كەزدەسۋىندە ايتىلدى.
«قارعالى بويىنشا جۇمىستار 80%-كە اياقتالدى، 12 نىسان سالىندى. ىلە-الاتاۋى پاركى اۋماعىندا قوسىمشا رۇقسات قۇجاتتارىن الۋ قاجەت بولعاندىقتان، قۇرىلىس ۋاقىتشا توقتاتىلدى. بۇگىندە جۇمىستار قايتا جانداندى. وبەكتىنى كەلەسى جىلدىڭ 3ء-شى توقسانىندا تاپسىرۋدى جوسپارلاپ وتىرمىز»، - دەدى قالا اكىمى ەربولات دوسايەۆ.
«اقساي» سۋ قويماسى بويىنشا كونكۋرستىق راسىمدەر اياقتالدى، قۇرىلىس-مونتاجداۋ جۇمىستارىنا اقشا ءبولىندى، مەردىگەر ۇيىم - «Integra» كومپانياسى، ءقازىر قۇرىلىس جۇمىستارى باستالىپ كەتتى. اياقتالۋ مەرزىمى - 2025 جىلدىڭ ءىىى توقسانى.