ناۋرىزباي اۋدانىندا قوعامدىق كەڭىستىكتەردى، اۋلالاردى جانە قالالىق ينفراقۇرىلىمدى دامىتۋ جۇمىستارى جالعاسىپ كەلەدى. بۇل قالالىق ورتانى كەشەندى دامىتۋ ءتاسىلىنىڭ ءبىر بولىگى.
بيىل 47 اۋلا اعىمداعى جوندەۋ اياسىندا جانە «حالىق قاتىساتىن بيۋدجەت» جوباسى بويىنشا جاڭارتىلدى.
سونىمەن قاتار، حقب اياسىندا ەكى قوعامدىق كەڭىستىك قايتا جاساقتالدى. ۇلىقبەك كوشەسىندە زاماناۋي دەمالىس ايماعى سالىنسا، №200 مەكتەپتىڭ ماڭىنداعى جاڭارتىلعان اۋماق اۋدان تۇرعىندارىنىڭ ەڭ سۇيىكتى ورىندارىنىڭ بىرىنە اينالدى. بۇل جەردە جۇرگىنشىلەرگە ارنالعان ايماق، سپورت الاڭى جانە بالالار وينايتىن ورىندار قايتا جابدىقتالعان.
سونداي-اق 38 كوپقاباتتى ءۇيدىڭ قاسبەتىنە ساۋلەتتىك جارىقتاندىرۋ ورناتىلدى. بۇل اۋماقتىڭ كوركەيىپ، كەشكى ۋاقىتتا ءقاۋىپسىز ءارى جايلى بولۋىنا مۇمكىندىك بەردى.
بۇل شارالاردىڭ بارلىعى اۋدان تۇرعىندارى مەن قوناقتارى ءۇشىن زاماناۋي، قولايلى ءارى ءقاۋىپسىز كەڭىستىك قالىپتاستىرۋعا باعىتتالعان.