جاپپاي ۆاكسينا بارىسى تۋرالى اقپاراتتى الماتى قالاسىنىڭ ناۋرىزباي اۋدانىنىڭ اكىمى سانجار توعاي وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسى بارىسىندا مالىمدەدى. سپيكەردىڭ ايتۋىنشا، اۋداندا 20 ستاسيونارلىق جانە 5 جىلجىمالى ەكپە پۋنكتتەرى بار. مەكتەپتەردە، بازارلاردا جانە حالىققا قىزمەت كورسەتۋ ورتالىعىندا رەزەرۆتە 4 ەگۋ پۋنكتى بار.
سانجار توعاي قالا تۇرعىندارىن تەزىرەك ەكپە الۋعا شاقىردى. ول مەگاپوليس تۇرعىندارىنان ءوزىنىڭ جانە جاقىندارىنىڭ دەنساۋلىقتارىن ساقتاۋعا، دارىگەرلەر مەن سانيتارلىق-ەپيدەميولوگيالىق قىزمەتتىڭ بارلىق ۇسىنىستارىن بارىنشا جاۋاپكەرشىلىكپەن ورىنداۋعا شاقىردى.
اۋدان اكىمى تەك ۆاكسينالانۋدىڭ عانا پاندەميانى توقتاتاتىنىن اتاپ ءوتتى.
«مەن بارلىعىن تەز ارادا ەكپە الۋعا شاقىرامىن. تەك ۆاكسينا سىزگە جانە ءسىزدىڭ وتباسىڭىزعا رەانيماسياعا جاتۋدان، اۋرۋدان كەيىن وڭالتۋدان وتۋدەن، انتيبيوتيكتەر مەن باسقا دارى-دارمەكتەردى قابىلداۋدان قۇتىلۋعا مۇمكىندىك بەرەدى»، - دەدى سانجار توعاي.
ۆاكسينالانۋدىڭ ەڭ جوعارى كورسەتكىشتەرىنىڭ ءبىرى ناۋرىزباي اۋدانىندا. اۋداندا بارلىعى 53 418 ادام ەكپە الۋشىلار ساناتىندا، ال ءقازىردىڭ وزىندە 50 607 ادام ەكپە الدى، بۇل 94،7%-دى قۇرايدى.
بۇگىندە 6 مەكەنجاي بويىنشا (№7 قالالىق اۋرۋحانا، №№26، 27، 36 قالالىق ەمحانالار، تاۋسامالى بازارى مەن قارعالى دارىگەرلىك امبۋلاتورياسى) 10 پۋنكتتە 20 ستاسيونارلىق جانە 5 جىلجىمالى بريگادا جۇمىس ىستەيدى.
ەسكە سالساق، الماتىدا ەپيدەميولوگيالىق احۋال ودان سايىن ۋشىعىپ بارادى. قالادا كوروناۆيرۋس جۇقتىرعانداردىڭ كۇندەلىكتى تىركەۋ 1500 جاعدايدان استى.
2021 جىلدىڭ 1 اقپانىنان 1 تامىزىنا دەيىنگى كەزەڭدە بارلىعى 725 575 ادام ۆاكسينانىڭ 1ء-شى كومپونەنتىن الدى. وتكەن تاۋلىكتە 4 971 ادامعا ەكپە جاسالدى. 60 جاستان اسقان ۆاكسينالانعانداردىڭ جالپى سانى 99 587 ادام.
قالادا مەديسينالىق ۇيىمداردا، مەكتەپتەردە، مادەنيەت جانە سپورت نىساندارىندا، بازارلاردا جانە قالانىڭ سوسو-لارىندا 167 ەكپە پۋنكتى بار (250-گە دەيىن ۇلعايتۋ مۇمكىندىگىمەن). 1038 ادامنان تۇراتىن 234 ەكپە بريگاداسى جۇمىس جۇمىلدىرىلعان.