جازدىڭ اپتاپ ىستىعىندا جاسىل جەلەكتىڭ قاي-قايسىسىنا بولسىن كۇتىم كەرەك. شولدەگەن اعاشتىڭ كۇيىن تۇسىنبەسەك تە، ادام رەتىندە ءشولدىڭ قالاي بولاتىنىن بىلەمىز. سوندىقتان كەز كەلگەن تىرشىلىك يەسىنىڭ ومىرىندە سۋدىڭ الاتىن ورنى ەرەكشە.
بيىلعى جاز بۇرىنعىدان وزگەرەك. قالا اۋماعىنداعى جاسىل جەلەك تە قۋاڭشىلىقتى سەزىنگەندەي. بۇرىنعىداي جاپ-جاسىل كۇيگە ەنە الماي، قولداۋعا ءزارۋ بولىپ تۇر.
وسى تۇستا «Alataý اqparat» ج ش س «اعاشتاردى ايالايىق!» چەللەندجىن قولعا الىپ، مەكەمە اينالاسىنداعى، سونداي-اق بىلتىر اباي داڭعىلىنىڭ بويىنا وزدەرى وتىرعىزعان جاسىل جەلەككە سۋ قۇيا باستادى. ماقسات – قالاداعى بارلىق مەكەمەنى وزىنە قاراستى، سونداي-اق جاقىن ماڭداعى اعاشتارعا قامقورلىق جاساۋعا شاقىرۋ.
«Almaty aqshamy» مەن «ۆەچەرنيي Almaty» گازەتتەرىنىڭ قىزمەتكەرلەرى قولدارىنا شەلەك الىپ، جاقسى ءىستى باستاپ تا كەتتى. وسى ورايدا، وزگە ارىپتەستەرىمىزدى دە چەللەندجدى جالعاستىرۋعا شاقىرامىز. ايتا كەتەيىك، «Alataý اqparat» ىزگى باستامانى قازاقستان جۋرناليستەر وداعىنا، «ۆەچەرنيي Almaty» – «نوۆوە پوكولەنيە» گازەتىنە، ال «Almaty aqshamy» – «قازاق ءۇنى» گازەتىنە جولدادى.