22-24 ناۋرىز ارالىعىندا اتموسفەرالىق فرونتتارعا بايلانىستى قازاقستان اۋماعىنىڭ باسىم بولىگىندە قۇبىلمالى اۋا رايى ساقتالادى، دەپ حابارلايدى Almaty-akshamy.kz.
«قازگيدرومەتتىڭ» بولجامىنشا، ەلدىڭ سولتۇستىك جانە شىعىس وڭىرلەرىندە بوران سوعىپ، قار جاۋادى. رەسپۋبليكانىڭ وڭتۇستىگىندە جاۋىن-شاشىن، كەيدە قاتتى جاۋىن-شاشىن (جاڭبىر، قار) جاۋادى. ال 23-24 ناۋرىزدا رەسپۋبليكانىڭ باتىس وڭىرلەرى سولتۇستىك-باتىس انتيسيكلونىنىڭ ىقپالىندا بولادى. سونىڭ سالدارىنان مۇندا جاۋىن-شاشىن جاۋمايدى. رەسپۋبليكا بويىنشا تۇمان تۇسەدى جانە جەل كۇشەيەدى. ەلىمىزدىڭ شىعىسىندا، سولتۇستىگىندە جانە ورتالىعىندا تۇنگى تەمپەراتۋرا 5-13-تەن 10-18 گرادۋسقا دەيىن اۋىتقيدى. كۇندىز تەرمومەتر 0-8 گرادۋس ايازدان اسپايدى، رەسپۋبليكانىڭ وڭتۇستىك جارتىسىندا اۋا تەمپەراتۋراسى تۇندە 0-8 گرادۋس، كۇندىز 2-10 گرادۋس جىلى بولادى.