جاڭا فورماتقا اۋىستىراتىن ۋاقىت كەلدى.
قازاقستاندا ناۋرىز مەيرامىن تويلاۋدىڭ جاڭا تۇجىرىمداماسى ازىرلەندى. بۇل تۋرالى قازاقستاننىڭ مادەنيەت جانە سپورت ۆيسە-مينيسترى نۇرعيسا داۋەشوۆ ورتالىق كوممۋنيكاسيالار قىزمەتىندە وتكەن باسپا ءسوز ءماسليحاتىندا ايتتى، دەپ حابارلايدى Almaty-akshamy.kz.
«ناۋرىز مەيرامى - تەرەڭ ءداستۇرلى قۇندىلىقتاردىڭ قاينار كوزى جانە ۇلتتىڭ بىرەگەيلىگىن قۇرۋدىڭ جوعارى شوعىرلاندىرۋشى الەۋەتى مەن تەتىگى بار اسا ماڭىزدى بۇكىلحالىقتىق مەرەكە. مەملەكەت باسشىسىنىڭ تاپسىرماسىنا سايكەس، ناۋرىز مەيرامىن مەرەكەلەۋدىڭ نەگىزگى ماقساتى قازاقستانداعى بەيبىتشىلىك پەن كەلىسىمدى نىعايتۋ، ازاماتتاردى ەلدىڭ جاسامپاز دامۋىنىڭ ورتاق مىندەتى اينالاسىنا توپتاستىرۋ، ورتاق مادەني-رۋحاني قۇندىلىقتار مەن جالپىۇلتتىق سانانى قالىپتاستىرۋ بولۋعا ءتيىس. وسىعان سايكەس، ناۋرىزدى مەرەكەلەۋدىڭ جاڭا تۇجىرىمدامالىق تاسىلدەرى ازىرلەندى»، - دەدى نۇرعيسا داۋەشوۆ.
ۆيسە-مينيستردىڭ ايتۋىنشا، ناۋرىز مەيرامىن تويلاۋدى زامان اعىمىنا قاراي جاڭا فورماتقا اۋىستىراتىن ۋاقىت كەلدى.
«ناۋرىز - تاتۋ كورشىلىك پەن جەرگىلىكتى قاۋىمداستىقتاردىڭ مەرەكەسى. بۇل تۇجىرىمدامانى اۋلالاردا، قوعامداستىقتاردا، وتباسىلاردا تويلاۋدى وقشاۋلاپ، قازىرگى الەمنىڭ ۋربانيستىك جاعدايلارىنا بەيىمدەۋ ۇسىنىلادى»، - دەيدى ول.