وسىعان بايلانىستى قما قازاقستاندىقتاردى ساق بولۋعا جانە اقشانى كۇماندى قارجى ۇيىمدارىنا سالماۋعا شاقىرادى.
الماتىدا ينۆەستيسيا سالاسىنداعى ماركەتينگ كومپانياسى رەتىندە جۇمىس ىستەگەن تاعى ءبىر قارجى پيراميداسىنىڭ قىزمەتى توقتاتىلدى، دەپ حابارلايدى Almaty-akshamy.kz
قما الماتى قالاسى بويىنشا اۋماقتىق دەپارتامەنتى EDEN LIFE قارجى پيراميداسىنىڭ قىزمەتىن توقتاتتى.
«ۇيىمداستىرۋشىلار باسقا سالىمشىلاردىڭ قاراجاتىن تارتۋ ارقىلى پايدا بولعان ءتيىمدى سىياقىنى الۋعا كەپىلدىك بەرە وتىرىپ، ازاماتتارعا ينۆەستيسيالىق جوبالارعا اقشا سالۋدى ۇسىنعان. الدىن الا كەلىسىم (ءسوز بايلاسۋ) بويىنشا ءبىر توپ ادامنىڭ ۇستىنەن قارجىلىق (ينۆەستيسيالىق) پيراميدا سحەماسىن قۇرۋ جانە باسقارۋ فاكتىسى بويىنشا سوتقا دەيىنگى تەرگەۋ جۇرگىزىلىپ جاتىر»، - دەپ جازىلعان قارجىلىق مونيتورينگ اگەنتتىگى تاراتقان حابارلامادا.
قما EDEN LIFE قارجى پيراميداسىنان زارداپ شەككەن تۇرعىنداردى الماتى قالاسى ەكونوميكالىق تەرگەۋ دەپارتامەنتىنە (جىبەك جولى داڭعىلى، 127) حابارلاسۋدى سۇرايدى: 8-747-592-43-24، 8-701-858-67-67، 8-747-582-00-82