ناۋرىز - شىعىس ەلدەرىنىڭ بۇكىلحالىقتىق مەيرامى، ەجەلگى زاماننان قالىپتاسقان جىل باسى مەرەكەسى رەتىندە تويلانىپ، ەرەكشە كۇن رەتىندە اتالىپ وتىلەدى. كۇن مەن ءتۇن تەڭەلەتىن كۇن، ءتورت تۇلىك مال تولدەيتىن اي، تابيعاتتاعى بارلىق جاندىكتەر مەن وسىمدىكتەرگە جان بىتەتىن اي.
ناۋرىز شىعىس ەلدەرى ءۇشىن بىرلىكتىڭ، تاتۋلىقتىڭ مەرەكەسى رەتىندە تويلانعان. ءبىزدىڭ ەلىمىز كوپ ۇلتتى بولعاندىقتان حالىقتىڭ بىرىگىپ تويلايتىن – بىرلىك، دوستىق، بەيبىتشىلىك مەيرامى. ناۋرىزدىڭ ماعىناسى-ناۋرىز پارسىشا «ناۋ»(جاڭا) جانە «رۋز» (كۇن) دەگەن ۇعىمداردى بىلدىرەدى. جاڭا جىلدىڭ ءبىرىنشى كۇنى دەگەن ماعىناعا يە. ول كۇنتىزبەلىك جىلدىڭ ءۇشىنشى ايى، كوكتەمنىڭ باسى. 22 ناۋرىز كۇنى كۇن مەن ءتۇن تەڭەلەدى.
ناۋرىز مەرەكەسى - بۇل كوكتەم مەرەكەسى عانا ەمەس قازاق حالقىنىڭ جاڭا جىلى بولىپ كەلەدى. قازاق حالقى دا ناۋرىز مەرەكەسىن ەرەكشە باعالاپ، ونى جىل سايىن تويلاپ وتىرۋدى داستۇرگە اينالدىرعان. ۇلىستىڭ ۇلى كۇنى ادامدار بىر-بىرىنە دەگەن رەنىشىن ۇمىتىپ، كەشىرىم جاساپ، جاقسى تىلەكتەر ايتىپ، تابىسىپ، جاكسىلىق تىلەگەن.
ناۋرىزدىڭ ءداستۇرلى تاعامى - ناۋرىز كوجە. قازاقستاننىڭ حالقى جەتى ءتۇرلى دامنەن ناۋرىز كوجە جاساپ ۇلىستىڭ ۇلى كۇنىڭ تويلايدى. حالىقتا ناۋرىز كوجەنى تويىپ ىشكەن ادام كەلەسى جىلعا دەيىن ءىشىم - جەمنەن تارلىق كورمەيدى دەگەن ۇعىم بار. داستارحان باسىندا جاستار ۇلكەندەردىڭ باتاسىن العان.
حالىق جاڭا كيىمدەرىن كيىپ ءبىر – بىرىمەن قول الىسىپ، امانداسىپ ءتوس قاعىستىرىپ جاقسى تىلەكتەر ايتقان. مەرەكە كۇنى التىباقان باسىندا ءان ايتىلىپ، كۇي تارتىلعان. ۇلتتىق ويىندار كوكپار، اۋدارىسپاق، كۇرەس، قىز قۋۋ تاعى باسقا ويىندار وينالادى.
قورىتا ايتقاندا بۇل مەرەكە ءبىزدىڭ ەلىمىزدىڭ تاۋەلسىز ەكەنىمىزدى، ءارى كوپ ۇلتتىڭ ءتاتۋ-تاتتى ءومىر ءسۇرىپ جاتقانىن بىلدىرەدى. قازاقستاندا تۇرىپ جاتقان بارشا حالىقتى باۋىرمالدىققا، ادەپتىلىككە شاقىرادى. وسىنداي قارىم-قاتىناس ۇزاعىنان بولىپ، ەلىمىز الەمدەگى ەڭ باي ەلدەردىڭ قاتارىندا بولسا ەكەن دەپ تىلەيمىن