"ناۋرىز" باعدارلاماسى قايتا ىسكە قوسىلدى

"وتباسى بانك" شىلدە ايىندا نەسيە بەرۋىن توقتاتقان "ناۋرىز" باعدارلاماسىن تاعى جانداندىردى، دەپ حابارلايدى aqshamnews.kz

اتالعان بانك قازاقستان قور بيرجاسىندا (KASE) 150 ميلليارد تەڭگە تارتقانىن جانە نەسيە بەرۋدى قايتا باستاعانىن سۇيىنشىلەدى. 

– باعدارلاما شارتتارى وزگەرىسسىز قالدى: باستاپقى جارنا كەمىندە – 20%، قارىزدىڭ ەڭ جوعارى سوماسى استانا مەن الماتىدا – 36 ميلليون تەڭگە، وزگە وڭىرلەردە – 30 ميلليون تەڭگە. جىلدىق ءتيىمدى سىياقى مولشەرلەمەسى – 9،6%-دان 13%-عا دەيىن. نەسيەنى وتەۋ مەرزىمى – 19 جىل، – دەلىنگەن رەسمي حابارلاما ماتىنىندە. 

ايتا كەتەلىك، "ناۋرىز" باعدارلامالارىنىڭ شارتتارى تومەندەگىدەي:

العاشقى جارنا: تازا ارلەۋدەگى تۇرعىن ءۇي ساتىپ الۋ كەزىندە 10%-دان جانە ارلەنبەگەن نەمەسە قايتالاما نارىقتاعى تۇرعىن ءۇي ساتىپ الۋ كەزىندە 20%-دان باستاپ؛
تۇرعىن ءۇي كەزەگىندە تۇرعان ازاماتتاردىڭ الەۋمەتتىك وسال ساناتتارى ءۇشىن كرەديت بويىنشا مولشەرلەمە – 7% (جتسم 7،1%-دان 9،6% دەيىن)؛
ازاماتتاردىڭ بارلىق ساناتى ءۇشىن كرەديت بويىنشا مولشەرلەمە – 9% (جتسم 9،4%-دان 13% دەيىن)؛
نەسيە مەرزىمى – 19 جىلعا دەيىن.
باعدارلاماعا قاتىستى بارلىق وزەكتى مالىمەت "وتباسى بانكىنىڭ" رەسمي ينتەرنەت-رەسۋرستارىندا جاريالانادى. بۇعان دەيىنگى ماقۇلدانعان وتىنىمدەر مەن پاتەر بروندارى كۇشىندە قالادى.