ءبىرىنشى ونكۇندىكتە تەمپەراتۋرا جوعارىلايدى
قازگيدرومەت بولجامىنا سەنسەك، قازاقستاننىڭ باسىم بولىگىندە كوكتەم كۇنتىزبەگە قاراعاندا ءسال كەشىرەك - ناۋرىزدىڭ ەكىنشى جارتىسىندا، ءساۋىر ايىنىڭ باسىندا كەلەدى.
ال وڭتۇستىك وڭىرلەردە ناۋرىز جىلى كۇندەرمەن باستالادى، ءبىراق سودان كەيىن سالقىن اۋا رايى قايتا ورالادى.
ءبىرىنشى ونكۇندىكتىڭ سوڭىندا قىزىلوردا، تۇركىستان، جامبىل جانە الماتى وبلىستارىندا قاتتى جاڭبىر جاۋادى.
ال ق ر وڭتۇستىگىنىڭ، وڭتۇستىك-شىعىسىنىڭ تاۋلى اۋداندارىندا جاڭبىردىڭ سوڭى قارعا ۇلاسۋى مۇمكىن.
ناۋرىزدا، ادەتتە، سينوپتيكالىق پروسەستەردىڭ قىستان كوكتەمگە اۋىسۋىنا بايلانىستى اۋا رايى ءجيى وزگەرەدى.
قازاقستاننىڭ سولتۇستىك وبلىستارىندا ناۋرىز - قىستىڭ جالعاسى، ءبىر اي ىشىندە قىس مەزگىلىندەي سۋىق اۋا رايى، قار، بوران، كوكتايعاق جانە تۇمان ءجيى بولادى.
ال كەي كۇندەرى كوكتەمدەگىدەي جىلى بولادى.
ءبىرىنشى ونكۇندىكتە تەمپەراتۋرا جوعارىلايدى:
- ەلدىڭ سولتۇستىك-باتىسىندا، سولتۇستىگىندە، ورتالىعىندا تۇندە -5-17°س-تان -3-8°س-قا دەيىن، كۇندىز -1-7°س-تان -2+3°س-قا دەيىن؛
- ەلدىڭ شىعىسىندا تۇندە -20-35°س-تان -3-13°س-قا دەيىن، كۇندىز -3-12°س-تان -2+5°س-قا دەيىن؛
- ەلدىڭ وڭتۇستىك جانە وڭتۇستىك-باتىس ايماقتارىندا تۇندە 0، -10°س-تان -3+5°س-قا دەيىن، كۇندىز 0، +7°س-تان +7+15°س-قا دەيىن، قيىر وڭتۇستىكتە +18°س-قا دەيىن.
ەكىنشى ونكۇندىكتە اۋا تەمپەراتۋراسى اۋىتقيدى:
- سولتۇستىك جارتىسىندا تۇندە -17-27°س-تان -3-13°س-قا دەيىن، كۇندىز -7-12°س-تان -1-6°س-قا دەيىن؛
- وڭتۇستىك جارتىسىندا تۇندە 0، +10°س — تان -5-15°س-قا دەيىن، كۇندىز +10+20°س-تان 0+8°س-قا دەيىن.
ءبىراق كوكتەمگىدەي جىلى اۋا رايى ايدىڭ ءۇشىنشى ونكۇندىگىندە ورنىعادى - ەلدىڭ سولتۇستىك جارتىسىندا تۇندە -5+3°C، كۇندىز +3+13°C، وڭتۇستىكتە - تۇندە +2+10°C، كۇندىز +15+21°C بولجانادى.
ناۋرىزدا ورتاشا اۋا تەمپەراتۋراسى رەسپۋبليكانىڭ باسىم بولىگىندە نورماعا جۋىق، ەلدىڭ قيىر وڭتۇستىگىندە 1°-قا جوعارى بولادى.
ناۋرىز ايىندا جاۋىن-شاشىن مولشەرى قازاقستاننىڭ باسىم بولىگىندە نورماعا جۋىق.
شىعىس قازاقستان وبلىسىندا، اباي وبلىسىنىڭ شىعىس جارتىسىندا، پاۆلودار جانە جەتىسۋ وبلىستارىنىڭ شىعىسىندا، الماتى وبلىسىنىڭ وڭتۇستىگى مەن شىعىسىندا نورمادان كوپ بولادى دەپ بولجانىپ وتىر.