كوكتەمگى جىلى اۋا رايى بولادى.
«قازگيدرومەت» ماماندارى كوكتەمنىڭ العاشقى ايىندا اۋا رايى قانداي بولاتىنىن بولجادى، دەپ حابارلايدى Almaty-akshamy.kz.
كوكتەمگى سينوپتيكالىق پروسەستەرگە ءتان قۇبىلىستارعا سيكلوندار مەن انتيسيكلونداردىڭ ءجيى اۋىسۋى، قارا جانە جەرورتا تەڭىزدەرىنەن جىلى اۋانىڭ قارقىندى كەلۋى، سكانديناۆيا، باتىس جانە شىعىس ءسىبىر ايماقتارىنان سۋىق اۋانىڭ باسىپ كىرۋى جاتادى، ولار اۋا تەمپەراتۋراسىنىڭ كەنەتتەن وزگەرۋىنە جانە اۋا رايىنىڭ تۇراقسىز بولۋىنا الىپ كەلۋى مۇمكىن.
بيىل ناۋرىز ايىنىڭ العاشقى ونكۇندىگىنىڭ ورتاسىندا قازاقستان وڭىرلەرىنىڭ كوپتەگەن جەرلەرىندە كوكتەمگى جىلى اۋا رايى بولادى، الايدا ول ۇزاققا سوزىلمايدى.
ناۋرىز ايىندا ەلىمىزدىڭ باسىم بولىگىندە اۋانىڭ ورتاشا تەمپەراتۋراسى كليماتتىق نورمادان 1-2° جوعارى، باتىس قازاقستان وبلىسىندا جانە اتىراۋ وبلىسىنىڭ قيىر سولتۇستىك-باتىسىندا نورماعا جۋىق بولادى دەپ بولجانادى. ناۋرىز ايىندا جاۋىن-شاشىن مولشەرى رەسپۋبليكا اۋماعىنىڭ باسىم بولىگىندە نورماعا جۋىق، ال سولتۇستىك-باتىس بولىگىندە نورمادان كوپ بولۋى كۇتىلۋدە.
ناۋرىز ايىنىڭ ءبىرىنشى ونكۇندىگىنىڭ باسىندا باتىس انتيسيكلونىنىڭ ىقپالىمەن جانە ءسىبىر انتيسيكلونىنىڭ كۇشەيۋى سالدارىنان رەسپۋبليكانىڭ باسىم بولىگىندە اۋا تەمپەراتۋراسىنىڭ قىسقا مەرزىمگە تومەندەۋى بولجانۋدا. تۇندە اۋا تەمپەراتۋراسى:
- باتىستا، سولتۇستىك-باتىستا -5-15°س-قا دەيىن؛
- سولتۇستىككە، ورتالىقتا جانە شىعىستا -15-25°س-قا دەيىن؛
- ەلىمىزدىڭ وڭتۇستىك وڭىرلەرىندە -3-11°س-قا دەيىن تومەندەيدى.
كۇندىزگى اۋا تەمپەراتۋراسىنىڭ نەگىزگى فونى ەلىمىزدىڭ سولتۇستىك-باتىسىندا -3+2°س، سولتۇستىك بولىگىندە -3-8°س، وڭتۇستىك بولىگىندە +8+15°س بولادى، ال قيىر وڭتۇستىگىندە 20°س-قا دەيىن جەتەدى.
ونكۇندىكتىڭ ورتاسىندا جەرورتا تەڭىزى جانە جاڭا جەر ارالى ايماقتارىنان كەلەتىن سيكلوندار ق ر اۋماعىنىڭ باسىم بولىگىندە بولاتىن اۋا رايىن انىقتايدى. سولتۇستىك وڭىرلەردە جاڭبىر جانە قار جاۋىپ، كەي كۇندەرى تومەنگى بۇرقاسىن سوعادى، وڭتۇستىك وبلىستاردا كوبىنەسە جاڭبىر جاۋادى، ال باتىستا، تاۋلى جانە تاۋ بوكتەرىندەگى اۋدانداردا قاتتى جاۋىن-شاشىن بولادى. جەلدىڭ ەكپىنى 15-25 م/س-قا دەيىن كۇشەيەدى جانە وڭتۇستىك-باتىستا شاڭدى داۋىلدىڭ سوعۋى بولجانۋدا، سونىمەن قاتار، تۇمان مەن كوكتايعاق قۇبىلىستارى دا كۇتىلۋدە.
سۋىق تولقىنىنان كەيىن اۋا تەمپەراتۋراسىنىڭ قىسقا مەرزىمدى جوعارىلاۋى كۇتىلەدى:
- ق ر سولتۇستىك، ورتالىق جانە شىعىس وبلىستارىندا تۇندە 0،-8°س-قا دەيىن، كۇندىز 0،+5°س-قا دەيىن؛
- ق ر وڭتۇستىك بولىگىندە تۇندە +2+10°س-قا دەيىن، كۇندىز +13+20°س-قا دەيىن؛
- ەلىمىزدىڭ تەك باتىسىندا اۋا تەمپەراتۋراسىنىڭ كۇندىز 0،-8°س-قا دەيىن ازداپ تومەندەۋى كۇتىلۋدە.
ونكۇندىكتىڭ سوڭىندا باتىس انتيسيكلونىنىڭ ەنۋىمەن جاۋىن-شاشىن توقتاپ، سولتۇستىك بولىكتە اۋا تەمپەراتۋراسى تۇندە قايتادان -10-17°س-قا دەيىن، كۇندىز -5-10°س-قا دەيىن تومەندەيدى، ال وڭتۇستىك بولىكتە تۇندە 0،-8°س-قا دەيىن تومەندەيدى، كۇندىز +3+8°س بولادى دەپ كۇتىلەدى.
ايدىڭ ەكىنشى جانە ءۇشىنشى ونكۇندىگىندە ەلىمىزدىڭ كوبىنەسە سولتۇستىك، ورتالىق جانە شىعىس وڭىرلەرىندە اۋا رايى تۇراقسىز بولىپ، جاۋىن-شاشىن (جاڭبىر، قار) جاۋادى جانە جەل كۇشەيەدى، بۇل اتموسفەرالىق فرونتالدى بولىكتەردىڭ ءجيى وتۋىنە بايلانىستى بولادى. ق ر باسىم بولىگىندە تۇمان، كوكتايعاق كۇتىلەدى. اۋا تەمپەراتۋراسى:
- باتىس وڭىرلەردە تۇندە -7-15°س-تان -2+3°س-قا دەيىن، كۇندىز +3+8°س-تان +16+21°س-قا دەيىن؛
- رەسپۋبليكانىڭ سولتۇستىك، ورتالىق جانە شىعىس وڭىرلەرىندە تۇندە -12-23°س-تان 0،+5°س-قا دەيىن، كۇندىز -1-6°س-تان +11+16°س-قا دەيىن؛
- وڭتۇستىكتە، وڭتۇستىك-شىعىستا تۇندە -3-8°س-تان +5+10°س-قا دەيىن، كۇندىز -4+1°س-تان +18+23°س-قا دەيىن اۋىتقۋى كۇتىلۋدە.