2020 جىلى شەگىلمەيتىن تەمەكى بۇيىمدارىن اكەلۋگە، وندىرۋگە، ساتۋعا جانە تاراتۋعا تولىق تىيىم سالىندى.
ناسىباي ساتقاندار بەس جىلعا دەيىن باس بوستاندىعىنان ايىرىلۋى مۇمكىن، دەپ حابارلايدى Almaty-akshamy.kz
«ناسىبايدى تۇتىنۋدىڭ ادام اعزاسىنا تيگىزەتىن كەرى اسەرىن ەسكەرە وتىرىپ، 2020 جىلى شەگىلمەيتىن تەمەكى بۇيىمدارىن، ونىڭ ىشىندە ناسىبايدى اكەلۋگە، وندىرۋگە، ساتۋعا جانە تاراتۋعا تولىق تىيىم سالىندى («حالىق دەنساۋلىعى جانە دەنساۋلىق ساقتاۋ تۋرالى» كودەكسىنىڭ 110-بابىنىڭ 9-تارماعى)»، - دەدى قازاقستان رەسپۋبليكاسى پرەمەر-مينيسترىنىڭ ورىنباسارى تامارا دۇيسەنوۆا.
ونىڭ مالىمدەۋىنشە، بۇل نورمانى بۇزعانى ءۇشىن 25 ايلىق ەسەپتىك كورسەتكىش مولشەرىندە اكىمشىلىك ايىپپۇل قاراستىرىلعان («اكىمشىلىك قۇقىق بۇزۋشىلىق تۋرالى» كودەكستىڭ 196-بابى).
«الايدا ناسىبايدى زاڭسىز ساتۋ جانە تاراتۋ بويىنشا جاۋاپكەرشىلىكتى قاتايتۋ ماقساتىندا «دەنساۋلىق ساقتاۋ سالاسىنداعى كەيبىر زاڭنامالىق اكتىلەرگە وزگەرىستەر مەن تولىقتىرۋلار ەنگىزۋ تۋرالى» پارلامەنت قابىلداعان زاڭدا شەگىلمەيتىن تەمەكى بۇيىمدارىن اكەلۋ، ءوندىرۋ، ساتۋ جانە تاراتۋ ءۇشىن قىلمىستىق جاۋاپكەرشىلىك كوزدەلدى (ساتۋ جانە تاراتۋ ءۇشىن – 200 اەك مولشەرىندە ايىپپۇل سالۋ نەمەسە 200 ساعاتقا دەيىن قوعامدىق جۇمىستارعا تارتۋ، نە 50 تاۋلىككە دەيىن قاماۋعا الۋ؛ اكەلۋ، ءوندىرۋ ءۇشىن – 2000 اەك-كە دەيىنگى مولشەردە ايىپپۇل سالۋعا، نە 600 ساعاتقا دەيىنگى مەرزىمگە قوعامدىق جۇمىستارعا تارتۋعا، نە ەكى جىلعا دەيىنگى مەرزىمگە باس بوستاندىعىن شەكتەۋگە، نە سول مەرزىمگە باس بوستاندىعىنان ايىرۋمەن نەمەسە ونسىز مۇلكىن تاركىلەۋ)»، - دەپ حابارلادى ۇكىمەت باسشىسىنىڭ ورىنباسارى.
دۇيسەنوۆا بiرنەشە رەت نەمەسە اسا iرi مولشەردە تابىس الۋمەن بايلانىستى قىلمىستىق توپ جاساسا – 5000 اەك دەيiنگi مولشەردە ايىپپۇل سالۋعا نە 1200 ساعاتقا دەيiنگi مەرزiمگە قوعامدىق جۇمىسقا تارتۋعا نە مۇلكى تاركىلەنىپ بەس جىلعا دەيىنگى مەرزىمگە نەمەسە سول مەرزىمگە باس بوستاندىعىنان ايىرۋعا جازالاناتىنىن ايتتى.
ۆيسە-پرەمەر زاڭعا ەنگىزىلگەن نورمالاردى حالىق اراسىندا ءتۇسىندىرۋ بويىنشا ءتيىستى پروفيلاكتيكالىق ءىس-شارالار وتكىزىلىپ جاتقانىن ەسكەرتتى.