دەپۋتات ەكاتەرينا سمىشليايەۆانىڭ ايتۋىنشا، بۇگىنگى تاڭدا موپەدتەر كولىكتىڭ ەڭ قولجەتىمدى تۇرلەرىنىڭ ءبىرى جانە ولاردىڭ قوزعالىسىن رەتتەۋ قاجەتتىلىگى، ەڭ الدىمەن، جولدارداعى اپاتتار سانىنىڭ ارتۋىمەن بايلانىستى. ماسەلەن، تەك 2023 جىلى موپەدتەردىڭ قاتىسۋىمەن 750 اپات بولدى، بۇل 2022 جىلمەن سالىستىرعاندا ءتورت ەسە كوپ.
وسىعان بايلانىستى زاڭ جوباسى ۇسىنىلادى:
- قوزعالتقىش كولەمى 50 تەكشە سم دەن كەم موپەدتەردى مەملەكەتتىك تىركەۋدى ەنگىزۋ؛
- موپەد جۇرگىزۋشىلەرىنە قويىلاتىن تالاپتاردى بەلگىلەۋ؛
- جەرگىلىكتى اتقارۋشى ورگاندارعا ەلەكتر سكۋتەرلەرىن پايدالانۋ ءتارتىبىن ايقىنداۋ جونىندەگى قۇزىرەت بەرىلسىن.
ءوز كەزەگىندە "قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنە كولىك قۇرالدارىنىڭ جەكەلەگەن تۇرلەرىنىڭ قوزعالىسىن ۇيىمداستىرۋ جانە جول قاۋىپسىزدىگىن سيفرلاندىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" ىلەسپە زاڭ جوباسىنا كىرەدى:
- رۇقسات ەتىلگەن جىلدامدىقتان ەداۋىر اساتىن ادامدار ءۇشىن جاۋاپكەرشىلىكتى قاتاڭداتۋ؛
- موپەدتەردى مەحانيكالىق كولىكپەن تەڭەستىرۋ؛
- لاۋازىمدى ادامنىڭ جولداردى جانە جول قۇرىلىستارىن كۇتىپ-ۇستاۋعا بايلانىستى قايتالاما قۇقىق بۇزۋشىلىق ءۇشىن جاۋاپكەرشىلىگى.
ەسكە سالايىق، ىشكى ىستەر ءمينيسترىنىڭ ورىنباسارى يگور لەپەحا قوزعالتقىشتىڭ كولەمىنە قاراماستان بارلىق موپەدتەر كولىك قۇرالدارىنا جاتقىزىلاتىنىن جانە ولاردى باسقارۋ ءۇشىن "ا1"ساناتىنداعى جۇرگىزۋشى كۋالىگى بولۋى كەرەك ەكەنىن ايتقان بولاتىن.