ناريمان تابىنبايەۆ ورتالىق قالالىق كلينيكالىق اۋرۋحانانىڭ باس دارىگەرى لاۋازىمىنا اۋىسۋىنا بايلانىستى الماتى قالاسى دەنساۋلىق ساقتاۋ باسقارماسىنىڭ باسشىسى قىزمەتىنەن بوساتىلدى، دەپ حابارلايدى Almaty-akshamy.kz.
ن.تابىنبايەۆ 2020 جىلدىڭ جەلتوقسان ايىنان باستاپ الماتى قالاسىنىڭ قوعامدىق دەنساۋلىق ساقتاۋ باسقارماسىن باسقاردى.
انىقتاما:
ناريمان تابىنبايەۆ 1961 جىلى 23 اقپاندا تۋعان. الماتى مەملەكەتتىك مەديسينا ينستيتۋتىن، قازاق ينجەنەرلىك-تەحنيكالىق اكادەميانى ءتامامداعان. پروفەسسور، مەديسينا عىلىمدارىنىڭ دوكتورى.
ەڭبەك جولىن 1985 جىلى قىزىلوردا وبلىسىنىڭ ورتالىق اۋداندىق اۋرۋحاناسىندا بالالار حيرۋرگى بولىپ باستاعان.
1988 جىلدان 1994 جىل ارالىعىندا ەندوسكوپيا ءبولىمىنىڭ مەڭگەرۋشىسى، قىزىلوردا قالاسىنداعى وبلىستىق اۋرۋحانانىڭ باس دارىگەرىنىڭ دياگنوستيكالىق ورتالىعى بويىنشا ورىنباسارى بولىپ جۇمىس ىستەگەن.
1994 جىلدان 1997 جىل ارالىعىندا الماتى وبلىسىنىڭ ورتالىق اۋداندىق اۋرۋحاناسى باس دارىگەرىنىڭ ەمدەۋ جۇمىسى جونىندەگى ورىنباسارى بولدى.
1997 جىلدان 2002 جىل ارالىعىندا ۋرولوگيا عىلىمي ورتالىعىندا عىلىمي قىزمەتكەر، اعا عىلىمي قىزمەتكەر، ءبولىم مەڭگەرۋشىسى، باس دارىگەر بولىپ جۇمىس ىستەدى.
2008 جىلدان 2014 جىل ارالىعىندا قىزىلوردا قالاسىنداعى وبلىستىق مەديسينالىق ورتالىقتىڭ ديرەكتورى، ۋرولوگيا عىلىمي ورتالىعىنىڭ ديرەكتورى قىزمەتتەرىن اتقاردى
2014-2015 جىلدار ارالىعىندا استانا قالاسىنداعى «ۇلتتىق مەديسينالىق حولدينگ» اق باسقارما ءتوراعاسىنىڭ ورىنباسارى بولدى.
2015 جىلدان 2018 جىل ارالىعىندا استانا قالاسىنداعى ۇلتتىق عىلىمي ونكولوگيا جانە ترانسپلانتولوگيا ورتالىعىنىڭ ديرەكتورى بولىپ جۇمىس ىستەدى.
2019 جىلدان 2020 جىل ارالىعىندا Fox Chase Cancer Center (Philadelphia، اقش)، University of Minnesota (Minneapolis، اقش) تاعىلىمدامادان ءوتتى.
2018-2020 جىلدار ارالىعىندا قالالىق قوعامدىق دەنساۋلىق ساقتاۋ باسقارماسى «ورتالىق قالالىق كلينيكالىق اۋرۋحاناسى» شجق مكك ديرەكتورى قىزمەتىن اتقاردى
2020-2022 جىلدار ارالىعىندا الماتى قالاسىنىڭ قوعامدىق دەنساۋلىق ساقتاۋ باسقارماسىن باسقاردى.